«Nur Otan» partiiasy Tóraǵasynyń Birinshi orynbasary Máýlen Áshimbaev Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyna qoldaý bildirý maqsatynda Demokratiialyq kúshterdiń «Qazaqstan-2050» jalpyulttyq koalitsiiasynyń kezekti otyrysyn ótkizdi. Onda 6,5 million qazaqstandyqtyń múddesin bildiretin Koalitsiia músheleri Joldaýda kórsetilgen basymdyqtardyń mańyzyna toqtalyp, jańa strategiialyq qujatty iske asyrýdyń naqty tetikterin aiqyndady.
Otyrysty ashqan «Nur Otan» partiiasy Tóraǵasynyń Birinshi orynbasary elimizdiń əleýmettik-ekonomikalyq damýynyń ózekti məselelerine jəne qazaqstandyqtardyń əl-aýqatyn odan əri arttyrý mindetterine arnalǵan biylǵy Joldaý Elbasy saiasatynyń beriktigi men turaqtylyǵyn kórsetetinin aitty.
– Elbasynyń Joldaýynda qoǵamda qyzý talqylanyp júrgen eń ózekti áleýmettik máseleler qamtylǵan. Memleket basshysy sol máselelerdi sheshý úshin naqty sharalardy usynyp otyr. Atap aitqanda, halyqtyń ál-aýqatyn arttyrý, turmys-jaǵdaiyn jaqsartý, baspanaǵa qoljetimdilikti qamtamasyz etý, turǵyn úi-kommýnaldyq sharýashylyqtaǵy qordalanǵan máselelerdi sheshý, tarifterdi shekteý jáne joldardy jóndeý, qoǵamdyq qaýipsizdik sekildi máseleler kóterilgenin bilemiz, – dedi Máýlen Áshimbaev.
Sonymen qatar «Nur Otan» partiiasy Tóraǵasynyń Birinshi orynbasary atalǵan máselelerdi sheshýge baǵyttalǵan Elbasy usynystaryn júieli sipatqa ie ekenin aitty.
– Eń tómengi jalaqyny bir jarym esege kóbeitý milliondaǵan qazaqstandyqtyń turmys deńgeiine oń áserin tigizetin shara. Sonymen birge, densaýlyq saqtaý men bilim berý salasyna bólinetin qarajat ta kóbeietin bolady. Bul sharalardyń bári júieli túrde Qazaqstandaǵy áleýmettik jaǵdaidy odan ári damytýǵa tyń serpin beretini sózsiz, – dedi Máýlen Áshimbaev.
Sondai-aq jiyn barysynda Elbasy aiqyndap bergen áleýmettik jańǵyrýdyń negizgi basymdyqtary Qazaqstandy ómir súrý deńgeii jaǵynan álemdegi eń damyǵan elderdiń qataryna qosatyn negizgi tetik ekeni aityldy. Osyǵan orai «Nur Otan» partiiasy naqty baǵyttar boiynsha júieli túrde jumys júrgizbek.
– Birinshiden, barlyq saiasi partiialar jáne qoǵamdyq kúshter men memlekettik emes uiymdar birigip, Elbasy usynystarynyń máni men mańyzyn halyqqa túsindirýge atsalysýy kerek. Ekinshiden, atalǵan uiymdar Joldaý basymdyqtaryn júzege asyrýdyń tiimdi tetikterin talqylap, ony Úkimetpen birlesip atqarýǵa úles qosýdy kózdep otyr. Úshinshiden, «Nur Otan» basqa da saiasi partiialarmen jáne memlekettik emes uiymdarmen kúsh biriktirip Joldaýdyń júzege asyrylýyna júieli túrde qoǵamdyq baqylaý júrgizýdi qolǵa alady, – dedi Máýlen Áshimbaev.
Odan bólek, «Nur Otan» partiiasy Tóraǵasynyń Birinshi orynbasary Memleket basshysynyń usynystaryn barlyq negizgi saiasi partiialar men qoǵamdyq kúshter qoldap otyrǵanyn, oǵan demokratiialyq kúshterdiń jalpyulttyq koalitsiiasynyń jinalysy dálel ekenin tilge tiek etti.
Otyrysqa eldegi jetekshi partiialardyń basshylary, Parlament depýtattary, Qazaqstan halqy Assambleiasynyń, kásibi jáne qoǵamdyq birlestikterdiń ókilderi qatysty. Jiyn barysynda Koalitsiia músheleri Memleket basshysynyń jańa Joldaýyna bailanysty óz oilaryn ortaǵa salyp, pikirlerimen bólisti. Atap aitqanda, «Aq jol» demokratiialyq partiiasynyń tóraǵasy, Májilis depýtaty Azat Perýashev, Qazaqstan kommýnistik halyq partiiasynyń hatshysy, Májilis depýtaty Jambyl Ahmetbekov, Prezidenttiń bes áleýmettik bastamasynyń júzege asyrylýyn baqylaý jónindegi qoǵamdyq keńestiń tóraǵasy, Parlament Senatynyń depýtaty Baqytjan Jumaǵulov, «Atameken» ulttyq kásipkerler palatasynyń Basqarma tóraǵasy Abylai Myrzahmetov, Qazaqstan Respýblikasy Kásipodaqtar federatsiiasynyń tóraǵasy Baqytjan Ábdiraiym, Qazaqstan azamattyq aliansynyń prezidenti Asylbek Qojahmetov, «Qazaqstan Respýblikasy Prezidentiniń «Bolashaq» halyqaralyq stipendiiasy stipendiattarynyń qaýymdastyǵy» Keńesiniń tóraǵasy, Májilis depýtaty Baqtiiar Máken jáne «Qazaqstan-2050» jalpyulttyq qozǵalysy keńesiniń tóraǵasy Muhtar Mankeev sóz alyp, Joldaýda kórsetilgen bastamalar halyqtyń turmys deńgeiin jańa deńgeige kóteretinin aitty.
Is-shara sońynda Joldaýǵa qoldaý bildirgen, elimizdiń barsha azamattaryn jyldyń basty qujatyn talqylaý, túsindirý jáne iske asyrýjumystaryna belsendi qatysýǵa shaqyrǵan Úndeý qabyldandy.
