Áne-mine degenshe, jańa jyl da esikten syǵalap tur. Álem boiynsha toilanatyn bul merekeni el bolyp kútemiz, otbasymyzben jinalamyz, jyldaǵy dástúr boiynsha teledidardan prezidenttiń quttyqtaý sózin tyńdaimyz.
Prezident qolyna aqqainar quiylǵan bokal alyp, halyqqa aq jarma tilegin aityp, jańa jylmen quttyqtaidy. Elbasymyzdyń quttyqtaý sózinen keiin ǵana otbasymyzben bir-birimizdi quttyqtap, máre-sáre bolyp jatamyz. Alaida jyldyń 365 kúninde dál osy kúni alkogoldy sýsyndar kóp ishiledi eken. Sondyqtan jańa jyldy qarsy alsaq ta, qazaqtyǵymyzdy tanytyp, ishimdikpen emes, qymyzben qarsy alsaq, nur ústine nur bolar edi! Elimiz osy máselemen birneshe jyldar boiy kúresip keledi. Olardyń satylymyna shekteý qoiyp, qoǵamdyq oryndarda ishýge, jarnamalaýǵa da tyiym saldy. Bul óz kezeginde oń nátijesin de berip júr. Jastarymyz Islam dinine bet buryp kele jatyr. Alkogoldy ónimderdi tutynatyndardyń sany birshama azaiǵan. Esesine ulttyq sýsyndarymyzǵa suranys artyp keledi. Tek Qazaqstan ǵana emes, oǵan álem elderi de qyzyǵýshylyq bildirip otyr. Ulttyq sýsynymyzdy álemdik brendke ainaldyrý maqsatynda kóp nasihattaý jumystary júrgizilse, qazaq úshin igi is bolar edi! Onyń ústine «Aqqa Qudai jaq» degen qazaq «aq» tústi tek jaqsylyq, molshylyqpen bailanystyrady.
Sondyqtan, jańa 2017 jyl qazaqstandyqtar úshin tabysty, berekeli jyl bolsyn degen nietpen osynaý úrdisti Elbasymyz birinshi bolyp bastap, Jańa jylda frantsýzdyń aqqainarymen emes, qazaǵymnyń «aq qainary» qymyzben quttyqtasa eken degen jańa jyldyq tilek bar. Barlyqtaryńyzdy kele jatqan jańa jyldaryńyzben quttyqtai otyra, keler jyl – molshylyq jyly bolsyn dep tileimin! Elimiz aman, jurtymyz tynysh bolǵai!
Maral Shaihy,
qamshy.kz
