Elbasy dańqty sportshy, Olimpiada chempiony, Qazaqstannyń Eńbek Eri Jaqsylyq Úshkempirovtiń qaitys bolýyna bailanysty týǵan-týystary men jaqyndaryna kóńil aitý jedelhatyn joldady. Bul týraly "Ult aqparat" elbasy.kz saityna silteme jasap habarlaidy.
Nursultan Nazarbaev J.Úshkempirovtiń ómirdegi árbir qadamy men atqarǵan isteri óziniń esimine sai, jan-jaǵyna tek jaqsylyq pen izgiliktiń shýaǵyn shashyp júretin, halqymyzdyń shynaiy maqtanyshyna ainalǵan uly perzentteriniń biri bolǵanyn atap ótt i.
«Ol grek-rim kúresi boiynsha qazaqqa alǵashqy bolyp álemniń eń basty ataǵyn syilady. Kásipkerlikpen de tabysty ainalysyp, el ekonomikasynyń órkendeýine laiyqty úlesin qosa bildi. Qaiyrymdylyq is-sharalarǵa belsene atsalysyp, kásipkerlik tájiribesin ózgelermen bólisip, jaqsy úlgi men ónege kórsetti.
Men onymen ótkizgen kezdesýlerimdi árkez rizashylyqpen eske alamyn. Otandastarymyz da onyń esimi men eńbegin umytpaidy dep senemin», - delingen jedelhatta.
Eske salaiyq, búgin Jaqsylyq Úshkempirov qaitys boldy.
