Elbasy Nursultan Nazarbaev QR Ulttyq qaýipsizdik komitetiniń tóraǵasy Kárim Másimovti qabyldady, dep habarlaidy "Ult aqparat" Aqordaǵa silteme jasap.
Kezdesýde Kárim Másimov Memleket basshysyna Ulttyq qaýipsizdik komitetiniń ózge quqyq qorǵaý organdarymen birlesip, «EKSPO-2017» halyqaralyq kórmesine daiyndyq aiasynda qaýipsizdikti qamtamasyz etýge baǵyttalǵan tiisti sharalardy atqaryp jatqanyn baiandady.
Qazaqstan Prezidenti aldaǵy ýaqytta «EKSPO-2017» kórmesimen qatar álemdik deńgeidegi basqa da aýqymdy sharalar ótetinin eske saldy.
- Biyl birqatar halyqaralyq is-sharalar bolady. Memleketter men úkimetter basshylary, parlament músheleri, sondai-aq shet elderden jáne óz elimizden týrister kóptep keledi dep josparlanyp otyr. Osyǵan orai, sol is-sharalardyń tiisti deńgeide uiymdastyrylýyn qamtamasyz etý máselelerin pysyqtaý qajet. Eń aldymen qaýipsizdik máselesine nazar aýdarý kerek, - dedi Nursultan Nazarbaev.
Sondai-aq, Memleket basshysy basqa elderde bolyp jatqan terrorlyq aktilerge toqtalyp, ondai jaittarǵa jol bermeý úshin tiisti jumystar júrgizý, sonyń ishinde shet elderdegi áriptestermen ózara is-qimyl ornatý qajettigin aitty.
K.Másimov Elbasyǵa mundai aýqymdaǵy is-sharanyń qaýipsiz ótýi, sondai-aq terrorizmmen jáne dini ekstremizmmen kúres Ulttyq qaýipsizdik komitetiniń, basqa da quqyq qorǵaý organdarynyń udaiy baqylaýynda bolatyny jóninde málimdedi.
.jpeg)