Elbasy Túrkistandaǵy oblystyq «Farab Library» ǵylymi ámbebap kitaphanasyna bardy, dep habarlaidy Elbasy.kz saity.
Qazaqstannyń Tuńǵysh Prezidenti kitaphanadaǵy robottandyrylǵan tehnika zerthanasynyń jumysymen tanysty, sondai-aq sirek kitaptar men manýskripter bólimin kórdi.
Aita keteiik, «Farab Library» kitaphanasy – zamanaýi qurylǵylarmen jáne ozyq tehnologiiamen jabdyqtalǵan kópfýnktsiialy bilim berý kesheni. Bul jerde 480 myń kitapqa arnalǵan kitap saqtaý orny, tsifrlandyrý, konservatsiialaý jáne restavratsiialaý zerthanasy, 400 adamǵa arnalǵan dáris zaly, kórme atriýmy, FabLab tsifrly sheberhanasy, mýzykalyq zerthana, foto jáne videotúsirilimge arnalǵan mýltimedia zaly, 3D model jasaityn proektsiia zaly, kalligrafiia jáne qysh óneri stýdiiasy, konferentsiia ótkizýge laiyqtalǵan zaly bar kovorking, kompiýter synyby, sirek kitaptar men manýskripter zaly ornalasqan.
Aýdany 2 600 sharshy metrlik úsh qabatty ǵimarattyń sáýleti kitap betterine uqsas etip salynǵan.
«Kitaphana basqarýshy kompaniiaǵa berilgen. Onda alańsyz kitap oqyp, adam rýhani jaǵynan óz ózin damytýǵa múmkindik mol. Oqyrmandar úshin kitap oqý tegin. Balalar bul jerde ózderin jan-jaqty damyta alady. «Farab kitaphanasy» týristik ortalyqta ornalasqan. Ata-analar osy aralyqta balalaryn kitaphanadaǵy qyzmetkerlerge alańsyz qaldyra alady. Olarǵa aqyly túrde óte joǵary deńgeide qyzmet túrleri kórsetiledi», - dedi kitaphananyń direktory Aiko Tóken.
