Ádilet ministri Qanat Mýsin "Qazaqstannyń Tuńǵysh Prezidenti - Elbasy týraly" Konstitýtsiialyq zańnyń kúshin joiý tártibin túsindirdi, dep habarlaidy Sputnik Qazaqstan.
Ministrdiń aitýynsha, Konstitýtsiiadan Tuńǵysh Prezident pen Elbasy týraly tarmaqtar alynyp tastalǵannan keiin konstitýtsiialyq zańnyń kúshi avtomatty túrde joiylmaidy. Parlament tiisti sheshimin shyǵarýǵa tiis.
"Zańnyń kúshin joiý úshin zańnamaǵa taldaý júrgiziledi. Sosyn zań jobasy ázirlenedi. Ondai qujat daiyn emes, parlamentke áli jiberilgen joq", - dedi Mýsin Senat otyrysynan keiingi brifingte.
Ministrdiń sózine qaraǵanda, Elbasy týraly zańnyń kúshin joiý úshin "birshama ýaqyt" qajet. Biraq naqty qansha ýaqyt ketetinin aitpady. Qazirgi kezde basqa zańdarda Tuńǵysh Prezident týraly sózder bar.
"Bizde on shaqty zań bar. Bárin jinaqtap, zerdelep, tiisti sheshim shyǵarylady. Oǵan birshama ýaqyt qajet. Jumys júrgizilip jatyr. Sonyń nátijesinde arnaiy zań parlamenttiń qaraýyna engiziledi", - dep atap kórsetti Mýsin.
