Qazaqstan Respýblikasynyń Tuńǵysh Prezidenti – Elbasy kitaphanasynda «Model Nazarbaeva: Izvestnaia istoriia v novom prochtenii» kitabynyń saltanatty tusaýkeseri ótti. Qazaqstan Táýelsizdiginiń 25 jyldyq mereitoiynyń qarsańynda shyǵarylǵan kitapqa Qazaqstan Respýblikasynyń Prezidenti Keńsesiniń basshysy, saiasi ǵylymdar doktory Mahmud Bazarqululy Qasymbekov jetekshilik etti. Avtorlar ujymyna saiasi ǵylymdar doktory Baqytjan Berikbaiuly Temirbolat, saiasi ǵylymdar kandidaty Timýr Tólegenuly Shaimergenov endi.
Atalǵan kitaptyń ereksheligi – jas memlekettiń órkendeý jolyndaǵy Qazaqstan Respýblikasynyń tuńǵysh Prezidenti Nursultan Nazarbaevtyń basqarýshylyq sheshimderiniń algoritmi naqty derekter men anyq mysaldarmen berilýi bolyp tabylady. Bul algoritm avtorlardyń sheshimimen «Nazarbaev modeli» retinde anyqtalǵan. «Nazarbaev modelin» saraptaýda zamanaýi basqarý mektepterinde keńinen qoldanylatyn keister ádistemesi paidalanylǵan.
«Táýelsiz Qazaqstannyń 25 jyldyq tarihy tuńǵysh Prezident Nursultan Nazarbaevtyń esimimen tyǵyz bailanysty. Ekonomikalyq jáne saiasi turaqsyzdyq oryn alyp jatqan álemde Elbasy elimizdiń ishinde saiasi turaqtylyq pen qoǵamdyq kelisimniń, ekonomikalyq gúldený men áleýmettik damýdyń bastaýynda turdy. Aziia barystary atanǵan Singapýr, Ońtústik Koreia, Taivan men Gonkong ózderiniń damý modelderin qalyptastyrdy. Sol sekildi búgingi kúni bizdiń de qazaqstandyq, onyń ishinde Nazarbaev modeli qalyptasty», - dep atap ótti B.Temirbolat.
Kitapty basyp shyǵarý «Delovoi mir Astana» baspasyna tapsyryldy. Hi-tech stilimen rásimdeý kitap mazmunyndaǵy tarihi aqparattardy oqyrmandarǵa zamanaýi jetkizýge jáne ishki, syrtqy pishinin erekshe tyń ideialarmen júzege asyrýǵa negiz boldy. Jumys barysynda ekskliýzivtilikti paidalaný qundylyǵy «Nazarbaev modeli» kitabyn jasaǵan kezde saqtaldy. «Delovoi mir Astana» baspasynyń direktory Sholpan Syzdyqova: «Jumys barysynda bizdiń redaktorlarymyz, dizainerlerimiz shyǵarmashylyq izdenis ústinde boldy. Kitaptyń túpnusqasy men mazmuny saiasi tereń bolǵandyqtan, ony oqyrmanǵa tartymdy ári súikimdi etip jetkizý baspanyń basty maqsaty boldy» - dep atap ótti.
.jpeg)