Elimizdiń igiligi úshin alda atqaratyn biraz jumystar bar. Bul týraly «Habar» arnasyna bergen suhbatynda Elbasy Nursultan Nazarbaev málim etti, dep habarlaidy QazAqparat.
«Eger biz Táýelsizdikti saqtap qalamyz desek, eldiń birligin saqtaýymyz kerek. Memlekettiń ishinde tynyshtyqty saqtaý mańyzdy. Sondyqtan bizdiń halqymyz dana, úlkendi-kishili bolyp tentekterdi jolǵa salyp, elimizdi ary qarai alǵa jeteleýimiz kerek», - dedi Elbasy.
Osy oraida Nursultan Nazarbaev elimizdiń igiligi úshin alda atqaratyn biraz jumystar bar ekenin atap ótti.
«Alyp memleketter kelise almai jatqan ýaqyt, olar saýda jaǵynan da, sanktsiia jaǵynan teketiresip jatqan kezeń oryn alýda. Qazaqstan úlken imperiialardyń ortasynda turǵan memleket retinde árýaqytta muqiiat bolýy kerek. Bul turǵyda eldiń tynyshtyǵy arqyly ǵana órkendep óse alamyz. Men óz basym el basqaryp, tiisti qyzmetimdi istedim, meniń býynym qyzmet etti. Endi keler býyn menen jaqsy istesin», - dedi QR Tuńǵysh Prezidenti.
Budan buryn habarlanǵandai, Elbasy Nursultan Nazarbaev «Habar» arnasyna bergen suhbatynda Prezident qyzmetine birneshe adamdy qarastyrǵanyn, sondai-aq nege Qasym-Jomart Toqaevty tańdaǵanyn túsindirdi.
.jpeg)