Ońtústik Qazaqstanǵa jumys sapary barysynda Elbasy Nursultan Nazarbaev Qazaqstan halqy Assambleiasynyń oblystyq ǵimaraty aldynda boi kótergen «Qazaq eline myń alǵys!» monýmentin kórdi. Bul týraly Aqordanyń baspasóz qyzmetinen habarlady.
Monýment óńirdiń 20 etnomádeni birlestiginiń bastamasymen salynǵan, ol túrli ulttardyń qazaq halqyna degen alǵysy men adal nietiniń nyshany bolyp sanalady.
Nursultan Nazarbaev kópultty memleketimizdegi túrli ulttar men ulystar ókilderiniń dostyǵy táýelsiz Qazaqstannyń basty bailyǵy ekenin atap ótti.
Qazaqstan Prezidenti «Qoǵamdyq kelisim» memlekettik mekemesi men óńirdiń etnomádeni ortalyqtary ornalasqan Qazaqstan halqy Assambleiasynyń ǵimaratymen tanysty.
Memleket basshysynyń nazaryna etnomádeni birlestikter ókilderiniń oryndaýyndaǵy «Birligimiz jarasqan» dep atalatyn mýzykalyq kompozitsiia usynyldy.
.jpeg)