Prezident Nursultan Nazarbaev Óskemende «Nurly jol» saiabaǵyn ashty, dep habarlaidy QazAqparat.
«Nurly jol» jańa saiabaǵy buryn bos jatqan jerge salyndy. Onyń jobasy zamanaýi úrdister eskerile otyryp, landshaftty dizainda jasaldy. Búginde bul jerde drama teatry, mektep pen ońaltý ortalyǵynan turatyn zamanaýi keshen boi kóterdi.
«Keleshekte munda kópqabatty 10 úiden turatyn úlken turǵyn úi kesheni salynady», - dedi monýment arhitektory Sársen Seiitov.
Saiabaqtyń kórkin «Nurly jol» atty basty monýment keltirýde. Sáýletshiniń aitýynsha, monýmenttiń eki stellasy Qazaqstan týynyń túsimen jasalǵan jáne ol eki qurlyq - Eýropa men Aziianyń toǵysýyn bildiredi. Stellalardy ortaq shańyraq biriktirip tur, onyń ústinde qazaq halqynyń erkindiginiń simvoly - qyran qus qalyqtaýda. Qyran qus altyn túste jasalǵan.
Prezidenttiń nazaryna sondai-aq arhitektýralyq kórme usynylatyn bolady. Onda Shilikti, Zaisan, Berel qorǵandary men Ablaikit býdda ǵibadathanasynda jasalǵan qazba jumystary kezinde tabylǵan 2 myń artefakt qoiylǵan.
.jpeg)