BUU-nyń burynǵy Bas hatshysy Pan Gi Mýnnyń shaqyrýymen Qazaqstannyń Tuńǵysh Prezidenti – Elbasy Nursultan Nazarbaev Ornyqty damý úshin jahandyq yqpaldastyq pen áleýetti arttyrý forýmynyń qatysýshylaryna úndeý joldady, dep habarlaidy QR SIM baspasóz qyzmeti.
Elbasy N. Nazarbaevtyń joldaýyn QR Premer-Ministriniń orynbasary – Syrtqy ister ministri Muhtar Tileýberdi oqyp berdi.
Qazaqstannyń Tuńǵysh Prezidenti óziniń joldaýynda COVID-19 indetiniń búkil álemge jyldam taralýy, onyń buryn-sońdy bolmaǵan qaiǵyly saldary men álemdik ekonomikaǵa joiqyn áseri bizdiń elderimizdiń qanshalyqty ózara táýeldi ekenin jáne planetamyzdyń qanshalyqty názik ekenin aiqyn kórsetkenin atap ótti.
Osyǵan bailanysty ol bul jahandyq qaýip-qaterdi búkil halyqaralyq qoǵamdastyqtyń kúsh-jigerin ár túrli qyzmet salalarynda biriktirý arqyly ǵana jeńýge bolatynyn basa aitty. «Osyndai birlesken tásildi qajet etetin basym sharalardyń biri - COVID-19-ǵa qarsy vaktsinany teń jáne ádil taratý», - dedi Elbasy.
Nursultan Nazarbaev aǵymdaǵy onjyldyq «BUU-ǵa múshe barlyq elder úshin ortaq jahandyq kompas» bolyp tabylatyn 2030 jylǵa deiingi Ornyqty damý maqsattaryn (ODM) júzege asyrý úshin óte mańyzdy ekenin eske saldy. Alaida, osy maqsattarǵa jetý úshin memleketterge qosymsha 700 milliard AQSh dollarynan astam qarajat qajet bolady. Qajetti resýrstardy tabý úshin Elbasy Qazaqstannyń barlyq elderdiń áskeri shyǵyndaryn 1% azaitý jáne olardyń damý maqsattaryna baǵyttaý týraly bastamasyna qaita oralýdy usyndy. «Men bul ideiany 1992 jyldan beri BUU minberinen birneshe ret kóterdim jáne búgingi kúni bul erekshe ózekti bolyp tabylady», - dedi ol.
Qazaqstannyń Tuńǵysh Prezidenti sonymen qatar 2021 jylǵy is-sharanyń taqyryby «Qaýipsizdik úshin beibitshilik, órkendeý jáne seriktestik» Qazaqstannyń strategiialyq ustanymdaryna tolyq sáikes keletinin atap ótti. Belsendi, beibit ári jaýapty syrtqy saiasat arqyly Qazaqstan jahandyq antiiadrolyq qozǵalysqa kóshbasshylyq etý, qaqtyǵystardy sheshý jáne bizdiń aimaqta jáne odan tys óńirlerde damýǵa kómek kórsetý arqyly halyqaralyq qaýipsizdik pen turaqtylyqqa yqpal etýde. Elbasynyń bastamasymen Aziiadaǵy ózara is-qimyl jáne senim sharalary jónindegi keńes jáne Álemdik jáne dástúrli dinder kóshbasshylarynyń sezi iske qosyldy.
Memleketimizdiń ornyqty damý salasyndaǵy ilgerileýine toqtala otyryp, Nursultan Nazarbaev Qazaqstan áleýmettik-ekonomikalyq damýdyń kóptegen kórsetkishteri boiynsha aitarlyqtai tabystarǵa qol jetkizgenin jáne 2050 jylǵa qarai álemdegi eń damyǵan 30 eldiń qataryna kirý maqsatyna birtindep ilgerilep jatqanyn atap ótti. Elbasy halyqtyń ál-aýqaty men ómir súrý sapasyn jaqsartýdyń aldaǵy josparlary týraly, onyń ishinde densaýlyq saqtaý men bilimge investitsiialardy aldaǵy 5 jylda JIÓ-niń 10%-na deiin ulǵaitý jáne ekonomikany ártaraptandyrý týraly baiandady.
Sonymen qatar, is-sharaǵa basty spikerler retinde Kolýmbiia Prezidenti Ivan Dýke Markes, BUU Bas hatshysynyń birinshi orynbasary Amina Mohammed jáne Dúniejúzilik banktiń 12-prezidenti Djim Ion Kim qatysty.
Aita keteiik, Ornyqty damý úshin jahandyq yqpaldastyq pen áleýetti arttyrý forýmy BUU-nyń 8-shi Bas hatshysy Pan Gi Mýnnyń bastamasymen 2018 jyldan beri ótkizilip keledi. Pandemiiaǵa bailanysty biyl forým gibridtik rejimde ótti.
Forýmnyń teń tóraǵalary Avstriianyń burynǵy prezidenti Haints Fisher men Ionse ýniversitetiniń prezidenti So Song Hvan Elbasynyń jahandyq beibitshilik pen seriktestikti saqtaýǵa qosqan mańyzdy úlesin atap ótti. Is-shara Ionse ýniversitetiniń bazasynda ótkiziledi. Osyǵa deiin Qazaqstannyń tuńǵysh Prezidentine osy bedeldi ýniversitettiń qurmetti doktory ataǵy berilgen bolatyn.
