QR Tuńǵysh Prezidenti - Elbasy Nursultan Nazarbaev Nur Otan partiiasynyń bazalyq 3 printsipin atady, dep habarlaidy QazAqparat.
«Nur Otan sapalyq quramy, ulttyq quramy men ekonomikalyq bólinisteri boiynsha Qazaqstannyń proektsiiasy sanalady. Sondyqtan da biz halqymyzdyń, Qazaqstan halqynyń gúldenýi úshin odan ary da jumys isteýge niettimiz», - dedi Elbasy partiianyń kezekten tys HH sezin qorytyndylai kele.
Osy oraida Elbasy Nur Otan partiiasy barlyq ýaqytta da bazalyq 3 printsipti basshylyqqa alǵanyn jáne aldaǵy ýaqytta da oǵan arqa súieitindigin basa aitty.
«Birinshisi - jaýapkershilik. Biz shynaiy ister partiiasymyz. Demek, jaýapty saiasi kúsh degen sóz. Iaǵni, aitty - istedi. Qiyn sátterde Nur Otan barlyq ýaqytta halyqpen birge boldy. Búginde partiia eldegi shynaiy bilikpen bailanystyrylady. Bul bizge zor jaýapkershilik júkteidi jáne ony túsinemiz. Nur Otan partiiasynan kandidat bolý, partiialyq tizimniń bólshegine ainalý - búgin jáne bolashaqta memlekettiń jaýapkershiligin bólisý. Ekinshi printsip - komandalyq birlik. Partiiaǵa múshelik - bul basymdyq emes, qoǵam aldyndaǵy mindet, otannyń igiligi úshin kúndelikti jumys. Úshinshi printsip - ortalyq idealdar men maqsattardy ustaný»,- dedi Nursultan Nazarbaev.
