Nursultan Nazarbaev memleket jáne qoǵam qairatkeri, kórnekti ǵalym Myrzatai Joldasbekovty qabyldady, - dep habarlaidy "Ult aqparat" Aqordaǵa silteme jasap.
Memleket basshysy kezdesýde M.Joldasbekovty 80 jasqa tolǵan mereitoiymen quttyqtap, oǵan zor densaýlyq, uzaq ǵumyr tiledi.
– Táýelsizdiktiń alǵashqy tańynan bastap Siz árdaiym meniń janymda boldyńyz. Maǵan qoldaý bildirip, keńesshim, Premer-Ministrdiń orynbasary bolyp qyzmet atqardyńyz. Men Sizdi jaýapty laýazymdarǵa taǵaiyndadym. Elshi, ýniversitet rektory boldyńyz, diplomattardy tárbieleýge atsalystyńyz. Belgili ǵalym, qalamger retinde keń tanyldyńyz, – dedi Qazaqstan Prezidenti.
Sondai-aq, Nursultan Nazarbaev kezdesýde M.Joldasbekovtyń el aldyndaǵy eńbegin eskerip, qoǵam qairatkerin I dárejeli «Barys» ordenimen marapattady.
M.Joldasbekov óz qyzmetiniń nátijelerin joǵary baǵalaǵany úshin Memleket basshysyna alǵys aitty.
– Men táýelsizdigimizdiń qalyptasýyndaǵy barlyq protsestiń kýágeri boldym. Jaqsylyq ta, qiyndyq ta, tarshylyq ta bastan ótti. Baqytymyzǵa orai, qazir egemendiktiń arqasynda jaqsy ómir súrip jatyrmyz. El ishinde reformalar júrgizilýde, bárimiz kútken rýhani jańǵyrý bastaldy. Men qashan da Sizdiń qasyńyzda, senimdi serigińiz bolyp qala beremin, – dedi qoǵam qairatkeri.
.jpeg)