نۇرسۇلتان نازارباەۆ مەملەكەت جەنە قوعام قايراتكەرٸ, كٶرنەكتٸ عالىم مىرزاتاي جولداسبەكوۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى كەزدەسۋدە م.جولداسبەكوۆتى 80 جاسقا تولعان مەرەيتويىمەن قۇتتىقتاپ, وعان زور دەنساۋلىق, ۇزاق عۇمىر تٸلەدٸ.
– تەۋەلسٸزدٸكتٸڭ العاشقى تاڭىنان باستاپ سٸز ەردايىم مەنٸڭ جانىمدا بولدىڭىز. ماعان قولداۋ بٸلدٸرٸپ, كەڭەسشٸم, پرەمەر-مينيستردٸڭ ورىنباسارى بولىپ قىزمەت اتقاردىڭىز. مەن سٸزدٸ جاۋاپتى لاۋازىمدارعا تاعايىندادىم. ەلشٸ, ۋنيۆەرسيتەت رەكتورى بولدىڭىز, ديپلوماتتاردى تەربيەلەۋگە اتسالىستىڭىز. بەلگٸلٸ عالىم, قالامگەر رەتٸندە كەڭ تانىلدىڭىز, – دەدٸ قازاقستان پرەزيدەنتٸ.
سونداي-اق, نۇرسۇلتان نازارباەۆ كەزدەسۋدە م.جولداسبەكوۆتىڭ ەل الدىنداعى ەڭبەگٸن ەسكەرٸپ, قوعام قايراتكەرٸن ٸ دەرەجەلٸ «بارىس» وردەنٸمەن ماراپاتتادى.
م.جولداسبەكوۆ ٶز قىزمەتٸنٸڭ نەتيجەلەرٸن جوعارى باعالاعانى ٷشٸن مەملەكەت باسشىسىنا العىس ايتتى.
– مەن تەۋەلسٸزدٸگٸمٸزدٸڭ قالىپتاسۋىنداعى بارلىق پروتسەستٸڭ كۋەگەرٸ بولدىم. جاقسىلىق تا, قيىندىق تا, تارشىلىق تا باستان ٶتتٸ. باقىتىمىزعا وراي, قازٸر ەگەمەندٸكتٸڭ ارقاسىندا جاقسى ٶمٸر سٷرٸپ جاتىرمىز. ەل ٸشٸندە رەفورمالار جٷرگٸزٸلۋدە, بەرٸمٸز كٷتكەن رۋحاني جاڭعىرۋ باستالدى. مەن قاشان دا سٸزدٸڭ قاسىڭىزدا, سەنٸمدٸ سەرٸگٸڭٸز بولىپ قالا بەرەمٸن, – دەدٸ قوعام قايراتكەرٸ.
.jpeg)