Almatyda taýar jetkizbei, qyzmet kórsetpei jalǵan shot-faktýralar rásimdegen eki adam sottaldy. Olardyń áreketinen memleketke 245 mln teńge zalal kelgen, dep habarlaidy ult.kz.
Tergeý málimetinshe, kúdiktiler is júzinde oryndalmaǵan jumystar men kórsetilmegen qyzmetter úshin jalǵan qujattar rásimdep, salyq tóleýden jaltarý shemasyn uiymdastyrǵan.
Almaty qalasynyń prokýratýrasy baqylaýynda bolǵan is boiynsha sot eki adamdy Qylmystyq kodekstiń 216-baby 3-bóligimen kináli dep tanydy. Olardyń biri shemany uiymdastyrsa, ekinshisi qylmysqa kómektesken.
Ekeýi de sot zalynda qamaýǵa alyndy.
Qala prokýratýrasy ekonomikalyq qylmystardy anyqtaý jáne memlekettik múddelerdi qorǵaý baǵytyndaǵy jumysty jalǵastyryp jatqanyn málimdedi.
