Qazaqstan Respýblikasynyń Prezidenti Nursultan Nazarbaevtyń «Uly dalanyń jeti qyry» atty maqalasy túrik, ázerbaijan jáne qyrǵyz tilderine aýdaryldy, dep habarlaidy QazAqparat.
Elbasy maqalasynyń túrik, ázerbaijan jáne qyrǵyz tilderindegi nusqalary Halyqaralyq túrki akademiiasynyń resmi saitynda jariialandy.
Aita keteiik, Elbasy maqalasy 21 qarasha kúni jariialanǵan bolatyn. Onda Memleket basshysy naqty ǵylymi derekterge súiene otyryp, jahandyq tarihtaǵy óz rólimizdi baiyppen ári durys paiymdaý úshin Uly dalanyń jeti qyryn jete túsinýimiz kerektigin baiandaǵan. Olardy «Atqa miný mádenieti», «Uly daladaǵy ejelgi metallýrgiia», «Ań stili», «Altyn adam», «Túrki áleminiń besigi», «Uly Jibek joly», «Qazaqstan - alma men qyzǵaldaqtyń otany» taqyryptarǵa bólip, sipattaǵan edi.
Sondai-aq, Prezident maqalada kóterilgen máseleler jan-jaqty oi eleginen ótkizip, tereń zerdeleýdi talap etetinin eskere otyryp, jumysty birneshe iri jobalar arqyly bastaýǵa bolady dep paiymdaǵan-dy. Iaǵni, «Arhiv - 2025», «Uly dalanyń uly esimderi», «Túrki áleminiń genezisi», «Uly dalanyń ejelgi óner jáne tehnologiialar mýzeii», «Dala folklory men mýzykasynyń myń jyly», «Tarihtyń kino óneri men televiziiadaǵy kórinisi» ataýly jobalardy qolǵa alý qajettigin atap kórsetken.
Maqala qorytyndysynda Nursultan Nazarbaev bul jobalardy óziniń «Bolashaqqa baǵdar: rýhani jańǵyrý» atty baǵdarlamalyq maqalasynyń jalǵasy retinde qarastyratynyn jazǵan bolatyn.
.jpeg)