قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆتىڭ «ۇلى دالانىڭ جەتٸ قىرى» اتتى ماقالاسى تٷرٸك, ەزەربايجان جەنە قىرعىز تٸلدەرٸنە اۋدارىلدى, دەپ حابارلايدى قازاقپارات.
ەلباسى ماقالاسىنىڭ تٷرٸك, ەزەربايجان جەنە قىرعىز تٸلدەرٸندەگٸ نۇسقالارى حالىقارالىق تٷركٸ اكادەميياسىنىڭ رەسمي سايتىندا جارييالاندى.
ايتا كەتەيٸك, ەلباسى ماقالاسى 21 قاراشا كٷنٸ جارييالانعان بولاتىن. وندا مەملەكەت باسشىسى ناقتى عىلىمي دەرەكتەرگە سٷيەنە وتىرىپ, جاھاندىق تاريحتاعى ٶز رٶلٸمٸزدٸ بايىپپەن ەرٸ دۇرىس پايىمداۋ ٷشٸن ۇلى دالانىڭ جەتٸ قىرىن جەتە تٷسٸنۋٸمٸز كەرەكتٸگٸن بايانداعان. ولاردى «اتقا مٸنۋ مەدەنيەتٸ», «ۇلى دالاداعى ەجەلگٸ مەتاللۋرگييا», «اڭ ستيلٸ», «التىن ادام», «تٷركٸ ەلەمٸنٸڭ بەسٸگٸ», «ۇلى جٸبەك جولى», «قازاقستان - الما مەن قىزعالداقتىڭ وتانى» تاقىرىپتارعا بٶلٸپ, سيپاتتاعان ەدٸ.
سونداي-اق, پرەزيدەنت ماقالادا كٶتەرٸلگەن مەسەلەلەر جان-جاقتى وي ەلەگٸنەن ٶتكٸزٸپ, تەرەڭ زەردەلەۋدٸ تالاپ ەتەتٸنٸن ەسكەرە وتىرىپ, جۇمىستى بٸرنەشە ٸرٸ جوبالار ارقىلى باستاۋعا بولادى دەپ پايىمداعان-دى. ياعني, «ارحيۆ - 2025», «ۇلى دالانىڭ ۇلى ەسٸمدەرٸ», «تٷركٸ ەلەمٸنٸڭ گەنەزيسٸ», «ۇلى دالانىڭ ەجەلگٸ ٶنەر جەنە تەحنولوگييالار مۋزەيٸ», «دالا فولكلورى مەن مۋزىكاسىنىڭ مىڭ جىلى», «تاريحتىڭ كينو ٶنەرٸ مەن تەلەۆيزيياداعى كٶرٸنٸسٸ» اتاۋلى جوبالاردى قولعا الۋ قاجەتتٸگٸن اتاپ كٶرسەتكەن.
ماقالا قورىتىندىسىندا نۇرسۇلتان نازارباەۆ بۇل جوبالاردى ٶزٸنٸڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ جالعاسى رەتٸندە قاراستىراتىنىن جازعان بولاتىن.
.jpeg)