«Qazaqkontsert» memlekettik kontserttik uiymynyń direktory Jeńis Seidýllauly Elbasy Nursultan Nazarbaevtyń «Birlese bilgen el bárin jeńedi» atty maqalasyna qatysty pikirin ortaǵa saldy, dep habarlaidy QazAqparat.
«Qazirgi ýaqytta tek bizdiń elimiz ǵana emes, barsha álem daǵdarysqa ushyrap, qiyndyq kórýde. Osyndai kúrdeli kezeńde Nursultan Ábishuly «Birlese bilgen el jeńedi» dep halyqty yntymaqqa shaqyryp, árdaiym eldiń múddesin oilaitynyn kórsetti. Elbasynyń bul maqalasyn qazirgi ýaqytta asa ózekti dep sanaimyn. Maqalanyń ón boiyna zer salsaq, táýelsizdik jyldary qol jetkizgen barlyq jetistigimizdiń bastaýy – halyqtyń bereke-birligi ekendigin ańǵaramyz. Osy oraida, baýyrmaldyq, birlik, sabyrlyq, bir-birimizge ushyn berý syndy boiymyzǵa sińgen igi qasietterdi joǵaltpai, shyńdala túsýimiz kerek. Elbasy aitqandai, qiyndyqtar rýhy myqty, ózine senimdi adamdardy tek shynyqtyra túsedi. Demek, biz qazirgi synaqtardy qaýip retinde emes, jańasha damý úshin berilgen múmkindik dep qabyldaýymyz kerek«, - dedi uiym direktory.
Onyń atap ótýinshe, maqalada aitylǵan barlyq máseleler halyq múddesi men onyń jarqyn keleshegi úshin asa mańyzdy.
»Elbasy jastarǵa erekshe úmit artatynyn jetkizip, aǵa býyn ókilderin parasattylyqqa shaqyrdy. Qiyn kezeńde qoldaý kórsetip, qarjylai kómektesip jatqan kásipker azamattardyń da eńbegin atap ótti. «Birińdi qazaq biriń dos, kórmeseń – istiń bári bos» dep uly Abaidyń ósietin aita kele, Elbasy osy maqala arqyly el birligin tanytatyn kezeńniń kelgenin ańǵartty«, - dedi ol.
Osy oraida Jeńis Seidýllauly óner adamdary da kóptegen onlain-jobalar arqyly qoldaý kórsetip, qiyn kezeńde qashyqtyqqa qaramai árdaiym halyqpen birge ekendigin dáleldei túskendigin basa aitty.
«Jumyla kótergen júk jeńil» dep birligimiz myqty bolsa, bul qiyndyqty da eńseremiz dep oilaimyn. Demek, Elbasynyń saliqaly oilaryna den qoiyp, el bolashaǵy úshin barynsha eńbek etip, jaýapkershilik tanytýǵa shaqyramyn«, - dedi «Qazaqkontsert» basshysy.
.jpeg)