Memleket basshysy Qorǵanys jáne aeroǵarysh ónerkásibi ministri Beibit Atamqulovty qabyldady. Bul týraly Aqordanyń baspasóz qyzmeti habarlady.
Kezdesý barysynda Elbasy jańa ministrliktiń aldyna qoiylǵan mindetterdiń mańyzdylyǵyna toqtalyp ótti.
Atap aitqanda, Nursultan Nazarbaev jańa tehnologiiany qoldaný arqyly óndiriletin qorǵanys jáne aeroǵarysh ónerkásibi ónimine degen suranysty qamtamasyz etý úshin otandyq kásiporyndar óz múmkindikterin barynsha paidalaný qajettigine nazar aýdardy.
B.Atamqulov ministrlikte júrgizilip jatqan keshendi uiymdastyrýshylyq is-sharalardyń aiaqtalýǵa taiaǵany jóninde habardar etti.
Sondai-aq, Qorǵanys jáne aeroǵarysh ónerkásibi ministri Memleket basshysyna azamattyq salada qoldanýǵa jaramdy ónim shyǵarýǵa mýltiplikativtik áser beretin aeroǵarysh salasyn damytýdyń, qorǵanys kesheniniń óndiris qýatyn arttyrýdyń perspektivasy týraly baiandady.
Nursultan Nazarbaev kezdesý qorytyndysy boiynsha birqatar naqty tapsyrma berdi.
