Keibir kúshterdiń ara-tura etnikalyq máselelerdi jeke maqsattaryna paidalaný piǵyly bar ekendigin umytpaý kerek. Bul týraly búgin Qazaqstan halqy Assambleiasy Keńesiniń otyrysynda QR Tuńǵysh Prezidenti - Elbasy, QHA Tóraǵasy Nursultan Nazarbaev aitty, dep habarlaidy "Ult aqparat".
«Jaqyn arada biz Parlament Májilisiniń jańa quramyn sailaýǵa kiriseiik dep otyrmyz. Parlamentke eń laiyqty degen adamdar ótý tiis. Sol úshin «Nur Otan» partiiasy praimeriz ótkizdi. Qatysam degenderdiń barlyǵy qatysty, óz pikirlerin aitty. Ol pikirler jinaldy. Onyń paidasy zor bolady dep sanaimyn. Alaida keibir kúshterdiń ara-tura etnikalyq máselelerdi óz jeke maqsattaryna paidalaný piǵyly bar ekendigin de umytpaý kerek. Tsifrlyq tehnologiialardy teris oily adamdardyń qoǵam múddesine qarsy qoldanýy da jiilep bara jatqany da ras», - dedi QR Tuńǵysh Prezidenti.
Osy rette Elbasy Qazaqstan halqy Assambleiasy men ókiletti organdar eń aldymen til jáne aqparat salasyna qatysty máselelerde etnosaralyq qatynastardy saiasatqa ainaldyrmaý jaǵyna kóńil bólý kerektigin basa aitty.
«Assambleianyń aqparattyq ideologiialyq jumysyna toleranttylyq sezimin kúsheitýge, jastar arasyndaǵy áleýmettik jelidegi ksenofobiiaǵa qarsy kúreske erekshe mán bergen jón dep sanaimyn», - dedi Nursultan Nazarbaev.
