- Munai barreliniń 45-50 dollar qunyna biz beiimdelýdemiz jáne bul deńgeidegi baǵamen ary qarai da táp-táýir ómir súrýge bolady. Bul týraly Memleket basshysy Nursultan Nazarbaev Koreia Respýblikasyna memlekettik saparynyń qorytyndysy boiynsha otandyq BAQ ókilderi úshin ótkizilgen baspasóz brifinginde málim etti.
«Barsha álemde taýar ainalymy tómendedi, mysaly, munaidyń bir barreline quny shamamen 100-den joǵary, iaǵni 120 dollardy qurady. Budan soń onyń baǵasy 30 dollar boldy, keiinnen 45-ke jáne 50 dollarǵa deiin kóterildi. Bul rette Qazaqstan biýdjetine 40 paiyzǵa jýyq túsimderdi qamtydy, degenmen de osyǵan qaramastan ekonomika oń kórsetkishterdi ustap tur. Atap aitqanda, bul ońtaily jaǵdai 6 jyl buryn indýstrialandyrýdy bastaǵanymyzdyń arqasynda oryn aldy, sondai-aq óndirýshi ónerkásip birtindep qarqyn alyp kele jatyr», - dedi Elbasy.
Prezident jyl sońyna deiin indýstrialandyrý aiasynda taǵy 100 kásiporyndy iske qosý josparlanyp otyrǵandyǵyn, bul óz kezeginde qazaqstandyqtar úshin qosymsha jumys oryndaryn qurýǵa múmkindik beretinin atap ótti.
«Osy kásiporyndar adamdardy jumyspen qamtyp, ónim shyǵarady, sondai-aq bunyń esebinen ekonomikany kóterýdemiz. Munai barreliniń 45-50 dollar qunyna biz beiimdelýdemiz jáne bolashaqta táýir ómir súrýge bolady», - dedi N.Nazarbaev.
Osy oraida Memleket basshysy himiia, aýyl sharýashylyǵy ónimderin shyǵarýǵa erekshe mán berý kerektigin, sonymen qatar basqa da salalardan tabys kózin izdestirý qajettigin atap ótti.
Ult portaly
.jpeg)