Elbasy Nursultan Nazarbaev parlament palatalarynyń birlesken otyrysynda «ASTANA EKSPO-2017 UK» AQ basqarma tóraǵasy Ahmetjan Esimov pen «Astana» halyqaralyq qarjy ortalyǵynyń basshysy Qairat Kelimbetov aldaǵy ýaqytta ne isteitinin aitty, dep habarlaidy "Ult aqparat" Baq.kz aqparat agenttigine silteme jasap.
Prezident EXPO v 2017 Qazaqstan úshin mańyzdy is-shara bolǵanyn atap ótti.
«Biz álemge Qazaqstannyń, elordamyzdyń múmkindigin kórsettik. Aýqymdy imidjdik jumys atqardyq. Taiaýda kórmeniń jabylýyna arnalǵan úlken sharaǵa qatysamyz. Halyqaralyq qarjy ortalyǵyna (AHQO) bar jaǵdaidy jasadyq. Tipti, Konstitýtsiiaǵa ózgerister engizdik», - dedi Memleket basshysy.
Nursultan Nazarbaev qarjy ortalyǵyna berilgen ǵimarattardyń barlyǵy birden jumys istep ketý úshin Úkimet naqty sharalardy qolǵa alýy tiis ekenin aitty.
«Eksponyń eki iri nysany «Astana» halyqaralyq qarjy ortalyǵyna beriledi. Bireýinde Qazaqstannyń kórmesi turaqty jumys isteidi. Barlyq óńir, kásiporyndar sonda óz jetistikterin kórsetedi»,- dep tolyqtyrdy Memleket basshysy.
«Ahmetjan Smaǵululy (Esimov) bárin aiaǵyna deiin jetkizgenshe kórmeniń prezidenti retinde jumys istei berýi kerek. Biz qarjy ortalyǵyna taǵaiyndaǵan Kelimbetov bári oidaǵydai bolý úshin jumysty jandandyrýy tiis», - dep túiindedi Elbasy.
.jpeg)