Nursultan Nazarbaev «Ekspress K» qoǵamdyq-saiasi respýblikalyq gazetiniń ujymyn 100 jyldyq mereitoiymen quttyqtady, dep habarlaidy "Ult aqparat".
«Ekspress K» qoǵamdyq-saiasi respýblikalyq gazetiniń ujymyn 100 jyldyq mereitoiymen quttyqtaimyn!
Basylym betteri elimizdiń mol tarihynyń ainasyna ainalyp keledi. Bul jylnamanyń mańyzdy bóligi táýelsiz Qazaqstannyń qalyptasýyna arnalǵan.
Gazet qazaqstandyq qoǵam damýynyń ózekti máselelerin kóterýmen qatar eldegi áleýmettik-ekonomikalyq jáne saiasi ózgerister jaily únemi ún qatyp otyrady. Sonymen birge materialdardyń jeńil qalypta jáne uǵynyńqy etip berilýi tereń taldaýmen sheber úilesedi. Bul basylym qyzmetkerleriniń kásibi deńgeiiniń joǵary ekeniniń kórinisi.
Basylymda talai talantty avtorlar jemisti qyzmet atqardy. Búginde shyǵarmashylyq dástúrlerin shyńdai otyryp, «Ekspress K» Qazaqstannyń jetekshi basylymdarynyń qataryna nyq senimmen enip otyr», delingen Elbasynyń Instagram-daǵy paraqshasynda.
