Búgin Qazaqstan Respýblikasynyń Prezidenti Nursultan Nazarbaev AQSh-ta BUU Qaýipsizdik Keńesiniń otyrysyna qatysady, dep habarlaidy "Ult aqparat" Baq.kz aqparat agenttigine silteme jasap.
Elbasy BUU QK-niń otyrysynda sóz sóileidi. Bul jiyn «Jappai qyryp joiý qarýyn taratpaý: senim sharalary» dep atalady.
Esterińizde bolsa, qańtar aiynda Qazaqstan Qaýipsizdik Keńesine tóraǵalyǵy bastalyp ketken bolatyn. Osy aralyqta resmi Astana barlyq baǵytta jumysty jandandyrdy.
Jalpy Qazaqstannyń basty qaǵidalary men ustanymdary Qaýipsizdik Keńesimen úndesip qana qoimai, jan jaqty qoldaý tapty. Atap aitar bolsaq, Qazaqstan jappai qyryp joiý qarýyn taratpaýǵa baǵyttalǵan qadamdary álemdik qaýipsizdikte aitarlyqtai mańyzǵa ie. Sebebi Qazaqstan – iadrolyq arsenaldan óz erkimen bas tartqan birden bir memleket. Endeshe dúniejúziniń qaýipsizdigi aldynda iadrolyq qaýipsizdikke elimizdiń qosqan úlesi zor. Sol sebepti de Nursultan Nazarbaev álem minbesinen taǵy da alapat qarýdan bas tartyp, beibitshilikke ún qosýǵa shaqyratyn bolady.
Bul bastama «Álem HHI ǵasyr» manifesimen astasqan. Búgingi pikirtalasta dúnieni dirildetken qarýdy taratpaýdyń negizgi máseleleri egjei-tegjeili qaralady dep josparlanǵan.
Sonymen qatar, bizdiń Elbasy óz usynystarynda taǵy eki baǵytqa basymdyq beredi. Ol - álemdik shielenisti doǵarý jáne senim sharalaryn nyǵaitý. Ózara senim men túsinistik bolmasa, túitkildiń túiinin tarqatý ońaiǵa soqpaityny belgili.
18 qańtarda Prezident Nursultan Nazarbaevtyń tóraǵalyǵymen BUU QK músheleriniń «Jappai qyryp-joiý qarýyn taratpaý: senimdi nyǵaitý sharalary» taqyrybynda joǵary deńgeidegi taqyryptyq pikirtalastary ótedi.
19 qańtarda «Qaýipsizdik pen damýdyń ózara táýeldilik úlgisi retinde Aýǵanstan men Ortalyq Aziiadaǵy óńirlik áriptestikti qurý» taqyrybynda BUU QK-niń ministrlik pikirtalasy ótedi. Ortalyq Aziia men Aýǵanstan elderiniń Syrtqy ister ministrleri, sondai-aq BUU Qaýipsizdik Keńesine múshe elderi syrtqy saiasi vedomstvolarynyń basshylary qatysady dep kútilýde.
25 qańtarda BUU Qaýipsizdik Keńesinde BUU-ǵa múshe memleketterdiń Turaqty ókilderi deńgeiinde «Taiaý Shyǵystaǵy jaǵdai, sonyń ishinde Palestina máselesi» taqyrybynda toqsan saiynǵy ashyq pikirtalastary ótedi.
Sonymen qatar dástúrli túrde qańtar aiynda Qazaqstan tóraǵalyǵynyń aiasynda Keńeste Siriia, Libiia, Kongo Demokratiialyq Respýblikasy, Ortalyq Afrika Respýblikasy, Darfýr, Batys Afrika jáne Sahel, Ońtústik Sýdan, Mali, Somali, Kipr jáne Kolýmbiia elderindegi jaǵdai boiynsha ashyq jáne jabyq pikirtalastary ótedi. Tóraǵanyń birqatar qararlary men málimdemeleriniń qabyldanýy josparlanýda.
2017-2018 jj. BUU Qaýipsizdik Keńesiniń múshesi retindegi Qazaqstannyń basymdyqtary Prezident N.Nazarbaevtyń BUU Qaýipsizdik Keńesine arnalǵan «Qaýipsiz, ádil jáne gúldengen álem qurý úshin jahandyq áriptestikti nyǵaitýǵa qazaqstandyq tujyrymdamalyq kózqaras» atty saiasi joldaýynda kórsetilgen.
Olar jeteý: I) iadrolyq qarýsyz álemdi jaqyndatý; II) jahandyq soǵys qaterin boldyrmaý jáne jergilikti janjaldardy retteý; III) óńirlik qaýipsizdik pen yntymaqtastyqty nyǵaitýda Ortalyq Aziianyń múddelerin ilgeriletý; IV) terrorizmge qarsy kúres; V) Afrikadaǵy beibitshilik pen qaýipsizdik máseleleri; VI) qaýipsizdik pen ornyqty damýdyń arasyndaǵy ajyramas bailanystardy qamtamasyz etý; VII) Qaýipsizdik Keńesi men búkil BUU júiesin XXI ǵasyrdyń qaýip-qaterlerine beiimdeý.BUU Qaýipsizdik Keńesinde tóraǵalyq etý joǵary halyqaralyq mártebe bolyp tabylady, sebebi Qaýipsizdik Keńesi májbúrleý sharalaryna, ekonomikalyq sanktsiialarǵa nemese ujymdyq áskeri áreketterge qatysty sheshimder qabyldai alady. BUU-nyń Jarǵysyna sáikes Qaýipsizdik Keńesi beibitshilik pen halyqaralyq qaýipsizdikti qamtamasyz etý úshin basty jaýapkershilikti ózine júkteidi jáne BUU-nyń barlyq músheleri onyń sheshimderine baǵynýǵa mindetti.
Esterińizge sala ketsek, Qazaqstan Prezidentiniń biylǵy 16-18 qańtarda Amerika Qurama Shtattaryna resmi saparmen baratyny týraly habarlaǵan bolatynbyz. Onda Nursultan Nazarbaev AQSh prezidenti Donald Tramppen, sondai-aq AQSh-tyń resmi jáne isker toptar ókilderimen kezdesý ótkizedi dep josparlandy. Qazaqstan Respýblikasy Prezidentiniń baspasóz qyzmeti Nursultan Nazarbaevtyń AQSh-qa barǵan sátinen video jariialady. Elbasyny Donald Tramptyń ózi qarsy alyp, muny úlken mártebege balady.
Aq úide ótken kezdesýde Nazarbaev Qazaqstan men AQSh arasynda árdaiym ekijaqty saiasi qarym-qatynas ornaǵanyn aityp ótti. Budan keiin Memleket basshysy AQSh-tyń isker toptar ókilderi, AQSh-tyń energetika ministri jáne «Sheteldik jeke investitsiialar jónindegi Korporatsiia» memlekettik agenttiginiń prezidentimen kezdesti. Sapar sońynda Nazarbaev Tramppen júrgizgen kelissózdiń qorytyndysy boiynsha BAQ úshin brifing ótkizdi.
