Elbasy «Birlese bilgen el bárin jeńedi» atty maqalasynda qaýipti indettiń taralýyna alańdap otyrǵan eldiń kóńiline demeý bolarlyq keleli oilar aitty. Bul týraly pikirdi «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev bildirdi, dep habarlaidy QazAqparat.
Beisenbai Tájibaevtyń sózinshe, QR Tuńǵysh Prezidenti N.Nazarbaev maqalasynda san qily statistikaǵa toqtalmai, strategiialyq baǵyttarǵa asa mán bergen. Bastysy, memlekettiń halyqpen birge ekenin uǵyndyra bilgen.
«Elbasy bul qiyndyqtan birlik, tártip jáne bolashaqqa degen senim alyp shyǵatynyn aitty. Memleket tarapynan koronavirýstyń aldyn-alý boiynsha jedel ári sapaly jumystar qolǵa alynǵanyna atap ótti. «Ár ministr, árbir oblys, qala jáne aýdan basshylary júiemen, tártippen, úilesimmen, naqty josparmen, nyq senimmen áreket etip, ýaqytsha qiyndyqtan shyǵýǵa barlyq kúsh-qýatty jumyldyrýy qajet. «Nur Otan» partiiasynyń músheleri de osy bir saýapty istiń aldyńǵy qatarynan tabylýǵa tiis», – dedi Elbasy. Bul rette Túrkistan oblysynda saqtyq sharalary kúsheitilgenin, oblys ákimi Ómirzaq Shókeevtiń bastamasymen naqty jumystar atqarylyp jatqanyn aita ketken jón»,- dedi «Nur Otan» partiiasy Túrkistan oblystyq filialy tóraǵasynyń birinshi orynbasary.
Beisenbai Tájibaevtyń aitýynsha, óńirde Elbasy bastamasymen «Nur Otan» partiiasy qolǵa alǵan «Biz birgemiz!» aktsiiasy arqyly 3 myńnan astam otbasyǵa azyq-túlik jáne gigienalyq zattar jetkizilgen. «Túrkistan» áleýmettik-korporativtik damý qorynda el kásipkerleri airyqsha úles qosyp, janashyrlyq tanytýda. Memlekettik qyzmetkerler de bir kúndik jalaqylaryn aýdarǵan. Osy qoldaýlardyń nátijesinde áleýmettik az qamtylǵan kópbalaly otbasylarǵa, tyl ardagerleri men jalǵyzbasty qariialarǵa, múmkindigi shekteýli jandarǵa turaqty túrde kómekter berilip otyr. Sondai-aq, jekelegen demeýshiler de aktsiia aiasynda qarapaiym halyqqa barynsha kómektesýde.
«Elbasy Úndeýinen keiin qurylǵan respýblikalyq «Birgemiz» qory arqyly elimizdegi eń iri 23 qaladaǵy 150 myńnan astam turǵynǵa 50 myń teńgeden kómek beriledi. Bul sanatqa Túrkistan qalasy da enip otyr. Oblys ortalyǵynda 4903 otbasy partiianyń úilestirýi arqyly qarjylai kómekke ie bolmaq. Búgingi maqalasynda Ult Kóshbasshysy boikúiezdikten, saryýaiymnan, enjarlyqtan arylyp, tyǵyryqtan shyǵýdyń jolyn izdep, shyńdala túsýimiz kerek ekenin aitty. Qiyn kezeńde elge demeý bolyp, jurtshylyqty indetke, daǵdarysqa qarsy kúreske jumyldyrýǵa úles qosyp jatqan Elbasynyń bul áreketi – Otanǵa degen súiispenshilik pen perzenttik paryzǵa adaldyq. Elbasy qazaqstandyqtardy Prezident Qasym-Jomart Toqaevtyń bastamalaryna qoldaý bildirip, tapsyrmalaryn sapaly júzege asyrý kerektigine únemi mán berip keledi. Eń bastysy, memleket árbir azamattyń qaýipsizdigine, damýyna qoldaý kórsetýdi jalǵastyrady. Tótenshe jaǵdaidaǵy erejeni qatań saqtap, judyryqtai jumylyp, birligimizdi saqtai bilsek, bul tyǵyryqtan da shyǵamyz»,- deidi Beisenbai Tájibaev.
.jpeg)