Elbasy Nursultan Nazarbaev biznesmenderge sebepsiz qylmystyq is qozǵaǵan organdardyń qyzmetkerlerin jumystan bosatýdy talap etti, - dep habarlaidy Ult.kz tilshisi QazAqparat agenttigine silteme jasap.
«Tek sońǵy eki jylda memlekettik kiris organdarymen 17 myń qylmystyq is qozǵaldy. 17 myń is qozǵadyńyzdar, alaida onyń 9 myńy boiynsha qylmystyq quramnyń bolmaýyna bailanysty óndiris toqtatyldy. Ony kim istedi?», - dep toqtaldy Memleket basshysy Nursultan Nazarbaev Úkimettiń keńeitilgen otyrysy barysynda.
Óz kezeginde QR Qarjy ministri Baqyt Sultanov ótken jyly bul problema boiynsha Bas prokýratýramen tyńǵylyqty talqylaý júrgizilgenin atap ótti. «Qylmystyq istiń jartysynan kóbi, iaǵni 9 myńy bekerge qozǵalǵan. Adamdardy ary-beri kúnde tekserip, jaýap alyp, tergeý júrgizip, mazasyn alyp, bedelin túsirip ketti», - dep synady vedomstvony QR Prezidenti. Sonymen qatar Bas prokýror Jaqyp Asanov ótken jyly ekinshi jartyjyldyqqa qaraǵanda, birinshi jartysynda qylmystyq ister 10 ese artyq qozǵalǵanyn atap ótti. «Birinshi jarty jylda 6 myń qylmystyq is qozǵaldy, al ekinshisinde 600-den kemdeý. Birinshi men ekinshi jartyjyldyq arasynda biz bul máseleni qarastyrdyq, osy oraida shynymen de teris áreketter óte kóp bolǵan. Osy máselede qylmystyq protsestiń bul bóliginde kez kelgen kásipkerge qylmystyq is qozǵaý úshin múmkindikter boldy, al qazirgi kezde onyń barlyǵyn súzgiden ótkizgendikten, 10 ese kemidi», - dedi J. Asanov.
Bul esepti tyńdaǵannan keiin N. Nazarbaev qylmystyq ister negizsiz qozǵalǵan jaǵdaida, aiypty qyzmetkerlerdi quqyq qorǵaý organdarynan bosatýdy talap etti.
«Bul biznesmenderdi bopsalaýdyń jasyryn túri. Adamdardy qorqytyp, qylmystyq is qozǵaidy. Keiinnen ol (biznesmen) barlyǵyn isteýge daiyn bolady. Osyndai áreketke barǵan quqyq qorǵaý nemese salyq organdarynyń qyzmetkerler jumystan bosatylýy tiis. Ne úshin 9 myń is bosqa qozǵalǵan. Endi bul qyzmetkerler kim ekenin tekser», - dedi Elbasy Bas prokýrorǵa qaratyp aitqan tapsyrmasynda.
.jpeg)