Búgin Parlament palatalarynyń birlesken otyrysynda QR Prezidenti Nursultan Nazarbaev bilik basynda otyrǵandardan bastamashyl bolýdy talap etti, dep habarlaidy "Ult aqparat" Baq.kz portalyna silteme jasap.
«Búgin Parlament qyzmetin jańa júiemen bastap otyr. Palatalar men Úkimetke qosymsha ókilettikter berildi, iaǵni osylaisha jaýapkershilik te júkteldi. Ashyǵyn aitsam, bizdiń basty kemshiligimiz - bilik tarmaqtary tarapynan bastamalar jasalý deńgeiiniń tómendigi. Bunda meniń de kinám bar shyǵar. Kóp bastamalar jasalýy kerek, ózgerý qajet. Biz bul jaiynda ótken joly Úkimetti aýystyrǵan kezde de aitqan bolatynbyz. Qazir sol másele qaitalanyp otyr. Budan ári oǵan jol bermeý kerek. Konstitýtsiia men zań boiynsha barlyǵyna jazylǵan. Ár ministr óz isine qatysty jaýap beredi jáne jaýapkershilikke ie. Úkimet eldiń ekonomikalyq saiasaty men baǵdarlamalardyń tolyq júzege asýy úshin tolyǵymen jaýap beredi. Parlament zańnamalyq jáne qadaǵalaýshy bilik retinde óz ókilettikterine ie. Qazir negizgi jumys óńirlerdegi atqarýshy bilikke júktelip otyr», - dedi Memleket basshysy.
Atap ótsek, búgin Elbasy altynshy sailanǵan Parlamenttiń úshinshi sessiiasyn ashyp, depýtattarǵa qarqyndy ári sapaly jumys isteýdi tapsyrǵan bolatyn.
.jpeg)