«Nur Otan» partiiasynyń Tóraǵasy Indýstriia jáne infraqurylymdyq damý ministri Beibit Atamqulovty qabyldady, dep habarlaidy elbasy.kz.
Kezdesýde Nursultan Nazarbaev «Nur Otan» partiiasynyń «Ózgerister joly: Ár adamǵa laiyqty ómir!» atty sailaýaldy baǵdarlamasynyń negizgi baǵyttaryn ýaqytyly júzege asyrý qajettigin aitty. Áńgime barysynda ministrliktiń ekonomikany ári qarai ártaraptandyrýdaǵy mańyzdy róli atap ótildi.
Sondai-aq Qazaqstannyń Tuńǵysh Prezidentine 2020 jyldyń qorytyndysy boiynsha ónerkásip, kólik jáne qurylys salalaryndaǵy negizgi damý kórsetkishteri týraly baiandaldy.
– Óńdeý ónerkásibiniń birqatar sektorynda ósim bar. Atap aitqanda qara metallýrgiia 4,1 paiyzǵa, tústi metallýrgiia 2,8 paiyzǵa, mashina jasaý 16,3 paiyzǵa, jeńil ónerkásip 15 paiyzǵa, farmatsevtika ónerkásibi 47 paiyzǵa jáne daiyn metall buiymdaryn óndirý 19,7 paiyzǵa artqan. Statistikalyq derekterge sáikes, qurylys salasynda naqty kólem indeksi 111,2 paiyzdy qurady. 2020 jyldyń qorytyndysy boiynsha 16 óńirde oń qarqyn baiqalýda, – dedi Atamqulov.
