Elbasy Astana áýejaiyna óz esimin berý bastamasyna qatysty pikirin bildirdi

Memleket basshysy Nursultan Nazarbaev «Rossiia 24» telearnasynyń tilshisine Astana áýejaiyna óz esimin berý bastamasyna qatysty pikirin bildirdi.

- Bul meniń bastamam emes. Men ylǵi da bundai bastamalarǵa qarsy bolyp keldim. Biraq bundai usynys qait-qaita aldymnan shyǵa beredi. Soǵan qaraǵanda, adamdar atqarylǵan jumysty kórip, soǵan rizashylyǵy men alǵysyn bildirgisi keletin sekildi, - dedi Prezident Nursultan Nazarbaev. - Kez kelgen saiasatker, Memleket basshysy tarihta atqarǵan isimen qalýy kerek. Baǵa beretin bizdiń býyn emes, keler urpaq. Men uly filosof, Rim imperatory Mark Avreliidiń «Sizdiń nege áli kúnge eskertkishińiz joq?» degen suraqqa: «Men keiin adamdar myna eskertkish kimniń eskertkishi dep suraǵanyn qalamaimyn. Kerisinshe, «myna adamǵa nege áli eskertkish qoiylmaǵan?» - dep suraǵanyn qalaimyn», - degen jaýabyn jii esime alamyn.

Aita keteiik, «Qazaqstan bolashaqqa kóz tigedi» atty arnaiy reportaj Reseidiń tanymal «Rossiia 24» telearnasynda jariialanǵan bolatyn. Elbasy Nursultan Nazarbaev telearnanyń tilshisi Robert Frantsevke bergen suhbaty negizinde jasalǵan reportajda QR Prezidenti Astananyń salyný tarihy týraly, elorda aýmaǵyndaǵy jasyl beldeýdiń damýy, eldiń bitimgerlik missiiasynyń negizgi maqsattary, el ekonomikasyn jańǵyrtý, indýstriialyq-innovatsiialyq jańǵyrtý baǵdarlamasynyń qorytyndysy týraly aityp berdi.