- Almatyǵa qar jaýmaǵanda, Astanadan aparar edik. Búgin Almatyda ótken 28-inshi Dúniejúzilik qysqy Ýniversiada oiyndarynyń ashylý rásiminde sóz sóilegen Memleket basshysy Nursultan Nazarbaev osylai qaljyńǵa basty, dep habarlaidy Ult.kz tilshisi QazAqparat agenttigine silteme jasap.
Elbasy sheteldik sarapshylardyń Almatynyń aýa raiyna qatysty qoiǵan suraǵyna da osylai jaýap bergen eken.
"Jaqynda sheteldik sarapshylar maǵan "Almaty eldiń ońtústiginde ǵoi, qar jaýmai qalsa, ne isteisizder?", degen suraq qoidy. Men esh alańsyz "Astanadan əkelemiz", dep jaýap berdim. Qudaiǵa shúkir, qazir Almatyda qar qalyń, jarys kúnderi de qar mol bolady degen úmittemiz", - dedi Nursultan Nazarbaev.
Búgin Almatyda 28-inshi Dúniejúzilik qysqy Ýniversiada oiyndarynyń ashylý saltanaty ótti. Sharaǵa qatysqan QR Prezidenti jastar saiysyna 57 elden 2 myńnan astam sportshy, myńdaǵan sport mamany men jankúier qatysyp jatqanyn atap ótti. Ashylý rásiminde sportshylar sherýin 28-inshi Ýniversiadanyń iesi - Qazaqstan quramasy aiaqtady. Elimizdiń bairaǵyn shańǵyshy Dáýlet Rahymbaev alyp júrdi. El namysyn barlyǵy 175 sportshy qorǵaidy.
Aita keteiik, Almatydaǵy Ýniversiada oiyndarynyń ashylý saltanatyna halyqaralyq stýdentter federatsiiasynyń prezidenti Oleg Matytsin jáne ózge de birqatar mártebeli meimandar qatysty.
.jpeg)