Sýret: JI
Búgin Qazaqstan mektepterinde aralyq jáne qorytyndy emtihan tapsyrý kezeńi bastaldy. Emtihandar 11 maýsymǵa deiin jalǵasady. Bul jaiynda Oqý-aǵartý ministrliginiń baspasóz qyzmetinen habarlandy.
Biyl birinshi ret bilim alýshylardyń oqý baǵdarlamalaryn igerýin, oqý jáne jazý saýatyn aiqyndaý maqsatynda 5-8,10 synyptar 31 mamyrǵa deiin qazaq tilinen emtihan tapsyrady.
Emtihannyń naqty ýaqytyn oqý oryndary ózderi belgileidi.
Emtihan eki bólikten turady: jazbasha jáne aýyzsha.
Oqýshylar esse jazady, sondai-aq, mátindi oqý, áńgimelesý jáne mátindi tyńdap túsiný boiynsha óz sheberligin kórsetedi.
29 mamyr men 10 maýsym aralaǵynda 9 synypty bitirýshiler úshin qorytyndy emtihandar bolady, al 11 synypty bitirýshiler 28 mamyr — 11 maýsym aralyǵynda emtihan tapsyrady.
«Aqtóbe oblysynan 9 mektep, Atyraý oblysynan 20 mektep jáne Soltústik Qazaqstan oblysynan 5 mektep oqýshylary bul óńirlerde tabiǵi sipattaǵy tótenshe jaǵdai jariialanýyna bailanysty aralyq jáne qorytyndy attestatsiialaýdan bosatyldy», — dep atap ótti vedomstvonyń baspasóz qyzmeti.
Qorytyndy attestatsiiadan barlyǵy 340 myńnan astam 9 synypty bitirýshiler, sondai-aq biyl 11 synypty bitirýshi 186 myń oqýshy ótedi.
