سۋرەت: جي
بٷگٸن قازاقستان مەكتەپتەرٸندە ارالىق جەنە قورىتىندى ەمتيحان تاپسىرۋ كەزەڭٸ باستالدى. ەمتيحاندار 11 ماۋسىمعا دەيٸن جالعاسادى. بۇل جايىندا وقۋ-اعارتۋ مينيسترلٸگٸنٸڭ باسپاسٶز قىزمەتٸنەن حابارلاندى.
بيىل بٸرٸنشٸ رەت بٸلٸم الۋشىلاردىڭ وقۋ باعدارلامالارىن يگەرۋٸن, وقۋ جەنە جازۋ ساۋاتىن ايقىنداۋ ماقساتىندا 5-8,10 سىنىپتار 31 مامىرعا دەيٸن قازاق تٸلٸنەن ەمتيحان تاپسىرادى.
ەمتيحاننىڭ ناقتى ۋاقىتىن وقۋ ورىندارى ٶزدەرٸ بەلگٸلەيدٸ.
ەمتيحان ەكٸ بٶلٸكتەن تۇرادى: جازباشا جەنە اۋىزشا.
وقۋشىلار ەسسە جازادى, سونداي-اق, مەتٸندٸ وقۋ, ەڭگٸمەلەسۋ جەنە مەتٸندٸ تىڭداپ تٷسٸنۋ بويىنشا ٶز شەبەرلٸگٸن كٶرسەتەدٸ.
29 مامىر مەن 10 ماۋسىم ارالاعىندا 9 سىنىپتى بٸتٸرۋشٸلەر ٷشٸن قورىتىندى ەمتيحاندار بولادى, ال 11 سىنىپتى بٸتٸرۋشٸلەر 28 مامىر — 11 ماۋسىم ارالىعىندا ەمتيحان تاپسىرادى.
«اقتٶبە وبلىسىنان 9 مەكتەپ, اتىراۋ وبلىسىنان 20 مەكتەپ جەنە سولتٷستٸك قازاقستان وبلىسىنان 5 مەكتەپ وقۋشىلارى بۇل ٶڭٸرلەردە تابيعي سيپاتتاعى تٶتەنشە جاعداي جارييالانۋىنا بايلانىستى ارالىق جەنە قورىتىندى اتتەستاتسييالاۋدان بوساتىلدى», — دەپ اتاپ ٶتتٸ ۆەدومستۆونىڭ باسپاسٶز قىزمەتٸ.
قورىتىندى اتتەستاتسييادان بارلىعى 340 مىڭنان استام 9 سىنىپتى بٸتٸرۋشٸلەر, سونداي-اق بيىل 11 سىنىپتى بٸتٸرۋشٸ 186 مىڭ وقۋشى ٶتەدٸ.
