Qazaqstan ekonomikasynyń ósý qarqyny 5 aida 4,6 paiyzǵa deiin jedeldedi. Bul týraly Úkimet otyrysynda Ulttyq ekonomika ministri Álibek Qýantyrov aitty, dep habarlaidy QazAqparat.
«Osy jylǵy qańtar-mamyr ailarynda Qazaqstan ekonomikasynyń ósý qarqyny 4,6 paiyzǵa deiin jedeldedi. Esepti kezeńde naqty sekterda turaqty serpin, qyzmet kórsetý salasyndaǵy ósýidiń jedeldeýi, eksport kóleminiń joǵary ósýi baiqalýda. Naqty sektordaǵy ósim 4,8 paiyzdy qurady. Qyzmet kórsetý salasynda iskerlik belsendilik 3,9 paiyzǵa deiin ulǵaidy», - dep atap ótti ministr.
Onyń dereginshe, salalar arasynda saýda, qurylys, kólik jáne qoimalaý, aqparat jáne bailanys, óńdeý , taý-ken óndirý ónerkásipteri, sýmen jabdyqtaý, aýyl sharýashylyǵy oń ósim kórsetip otyr.
«Negizgi kapitalǵa salynǵan investitsiialardyń ósý qarqyny 2,5 paiyzdy qurady. Investitsiialar bilim berýde – 71,7, memlekettik basqarý men áleýmettik qamsyzdandyrýda – 55,1, ǵylym men tehnikalyq qyzmette – 35,9, densaýlyq saqtaýda – 27,8, jyljymaityn múlik operatsiialarynda – 20,4, saýdada – 13,9, qurylys salasynda 10,7 paiyzǵa ósti. Óńirler arasynda eń joǵarǵy kórsetkish Shymkent jáne Almaty qalalarynda, sondai-aq Aqmola oblysynda baiqalýda», - dedi Álibek Qýantyrov.
