قازاقستان ەكونوميكاسىنىڭ ٶسۋ قارقىنى 5 ايدا 4,6 پايىزعا دەيٸن جەدەلدەدٸ. بۇل تۋرالى ٷكٸمەت وتىرىسىندا ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
«وسى جىلعى قاڭتار-مامىر ايلارىندا قازاقستان ەكونوميكاسىنىڭ ٶسۋ قارقىنى 4,6 پايىزعا دەيٸن جەدەلدەدٸ. ەسەپتٸ كەزەڭدە ناقتى سەكتەردا تۇراقتى سەرپٸن, قىزمەت كٶرسەتۋ سالاسىنداعى ٶسۋٸدٸڭ جەدەلدەۋٸ, ەكسپورت كٶلەمٸنٸڭ جوعارى ٶسۋٸ بايقالۋدا. ناقتى سەكتورداعى ٶسٸم 4,8 پايىزدى قۇرادى. قىزمەت كٶرسەتۋ سالاسىندا ٸسكەرلٸك بەلسەندٸلٸك 3,9 پايىزعا دەيٸن ۇلعايدى», - دەپ اتاپ ٶتتٸ مينيستر.
ونىڭ دەرەگٸنشە, سالالار اراسىندا ساۋدا, قۇرىلىس, كٶلٸك جەنە قويمالاۋ, اقپارات جەنە بايلانىس, ٶڭدەۋ , تاۋ-كەن ٶندٸرۋ ٶنەركەسٸپتەرٸ, سۋمەن جابدىقتاۋ, اۋىل شارۋاشىلىعى وڭ ٶسٸم كٶرسەتٸپ وتىر.
«نەگٸزگٸ كاپيتالعا سالىنعان ينۆەستيتسييالاردىڭ ٶسۋ قارقىنى 2,5 پايىزدى قۇرادى. ينۆەستيتسييالار بٸلٸم بەرۋدە – 71,7, مەملەكەتتٸك باسقارۋ مەن ەلەۋمەتتٸك قامسىزداندىرۋدا – 55,1, عىلىم مەن تەحنيكالىق قىزمەتتە – 35,9, دەنساۋلىق ساقتاۋدا – 27,8, جىلجىمايتىن مٷلٸك وپەراتسييالارىندا – 20,4, ساۋدادا – 13,9, قۇرىلىس سالاسىندا 10,7 پايىزعا ٶستٸ. ٶڭٸرلەر اراسىندا ەڭ جوعارعى كٶرسەتكٸش شىمكەنت جەنە الماتى قالالارىندا, سونداي-اق اقمولا وبلىسىندا بايقالۋدا», - دەدٸ ەلٸبەك قۋانتىروۆ.
