Shýaqqa toly naýryz aiynda Elbasy halyqqa arnaǵan «Prezidenttiń bes áleýmettik bastamasy» atty Úndeýin jariialap, «Biz jańa áleýmettik jobalarǵa jol ashamyz» dedi. Bul, árine, qazaqstandyqtarǵa úlken jiger men serpin berdi. Qai óńirde bolsyn, baspana máselesiniń ózektiligi basym.
Al, alǵashqy bastama boiynsha usynylǵan «7 – 20 – 25» baǵdarlamasy jumys isteitin árbir qazaqstandyqqa jylyna 7 protsentten aspaityn nesie ólsheminiń mólsherlemesimen 25 jylǵa deiingi merzimde páter satyp alýǵa múmkindik beredi. Árine, mundai jeńildik osy ýaqytqa deiin sandaǵan azamattardyń armany bolyp kelgen edi. Armandar endi aqiqatqa ainalmaq. Búginde Syr eli turǵyn úi qurylysynyń kólemi boiynsha Qaraǵandy, Ońtústik Qazaqstan jáne Shyǵys Qazaqstan oblystary sekildi «milliondyq»aimaqtardyń aldyna shyqty. Al, óńir turǵyndarynyń áleýmettik osal tobyn meilinshe qoljetimdi turǵyn úimen qamtamasyz etý maqsatynda ótken jyly úsh jylǵa eseptelgen «Orda» turǵyn úi qurylysynyń jol kartasy ázirlendi. Nesielik turǵyn úidiń kópbalaly otbasylar, múgedekter men turǵyndardyń barlyǵyna birdei qoljetimdi emestigin eskerip, «Nurly jer» baǵdarlamasy aiasynda salynyp jatqan nesielik turǵyn úilerdi jergilikti biýdjet esebinen satyp alýǵa jyl saiyn oblystyq biýdjetten 2 mlrd teńgeden qarjy bólý týraly sheshim qabyldandy. Bul – árbir otbasyna baspana alýdyń jańa múmkindikterin týǵyzyp otyr.
Al, eldi gazben qamtamasyz etýdi jalǵastyrý týraly bastamanyń ásirese, ortalyq jáne soltústik óńirler úshin qýanyshy mol boldy. Osydan onshaqty jyl buryn Prezidenttiń tapsyrmasymen Qyzylorda qalasynda gazdandyrý jumysy bastalǵan edi. Búginde oblys halqynyń 63 protsenti kógildir otyndy tutynyp otyr. Araldyń halqy da birneshe jyldan beri igiligin kórýde. Mine, endi Syrdan Saryarqaǵa gaz qubyry tartylmaq.
Jany qalaǵan kásibimen ainalysyp, adal eńbek etken jannyń ǵana tirshiligi berekeli, násibi mol bolatyny anyq. Elbasy bastamalarynda ózin-ózi eńbekpen qamtyǵan jáne jumyssyz turǵyndardyń arasynda jappai kásipkerlikti damytý úshin shaǵyn nesie berýdi kóbeitý de basty nazarǵa alynǵan. Ótken jyly jalpy somasy 32 milliard teńge bolatyn 7200 shaǵyn nesie berilse, biyl qosymsha 20 milliard teńge bólip, shaǵyn nesielerdiń jalpy somasyn 62 milliard teńgege jetkizý kózdeldi. Bul aýyl-aimaqtar úshin, aýyldaǵy kásipkerlikti damytý úshin úlken qoldaý. Aimaqtashaǵyn kásipkerlik óris alyp, damý ústinde. Biylǵy jyl oblysta «Jappai kásipkerlikti qoldaý jyly» dep jariialandy. Al, «Bastaý Biznes» jobasy boiynsha oblysta 1600 adamdy oqytý kózdelýde.
Ailyq jalaqysy 25 eselengen ailyq eseptik kórsetkishtiń mólsherinen tómen qyzmetkerler úshin tabys salyǵynyń mólsherin 2019 jyldyń 1 qańtarynan bastap 10 esege azaitý usynyldy. Eger qazirgi kezde 50 myń teńge jalaqy alatyn qyzmetkerdiń jalaqysynan ustalatyn tabys salyǵy salyq salynbaityn tabysyn jáne shegerimderin qosa eseptegende, 1672 teńgeni qurasa, kelesi jyly 167 teńgege teń bolady eken. Qanshama jeńildik ekendigin osydan baiqaýǵa bolady.
Sonymen birge, joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý baǵytyndaǵy sharalar da da tórtinshi ónerkásiptik revoliýtsiia jaǵdaiyndaǵy jańa ekonomikada zor suranysqa ie bolatyn myńdaǵan jańa mamandardy daiarlaýǵa degen zaman talabynan týyp otyrǵan bastama.
Bes bastamany júzege asyrý maqsatynda jumystar da bastaldy. Elbasy aitqandai, jaýapkershilikti sezinip, barsha ulystardyń uiytqysy bolyp, ózgege ónege kórsete bilsek qana elimiz kórkeiip, damidy, halqymyzdyń turmysy jaily bolady.
.jpeg)