El aýmaǵynda izdeýde bolǵan birneshe qylmysker ustaldy. Bul týraly QR IIM Memlekettik til jáne aqparat departamentiniń direktory Almas Sadýbaev aitty, dep habarlaidy QazAqparat.
«Astana qalalyq IID kriminaldyq politsiia qyzmetkerleriniń jedel izdeý sharalarynyń barysynda 2015 jyly elorda aýmaǵynda kisi óltirdi degen kúdikpen 4 adam ustaldy», - dedi ol.
Onyń aitýynsha, kúdiktilerden qylmys jasalǵan tapansha tabylyp, tárkilengen.
«Almaty oblystyq IID jedel ýákilderi osy jyldyń 10 sáýirinde Taldyqorǵan qalasynda jeke kásipkerge shabýyl jasap iri kólemde aqsha qarajaty men «Toyota Camry 50» kóligin ielengen jergilikti úsh turǵyndy ustady. Sonymen qatar Almaty qalalyq IID jedel ýákilderi Úsharal qalasynyń turǵynyn ustady. Oǵan Almaty qalasynda qaraqshylyq shabýyl jasaǵan degen kúdik keltirilýde», - dedi Almas Sadýbaev.
