«Aýyl» halyqtyq-demokratiialyq partiiasy «El Amanaty» jalpyulttyq saýalnamasyna ótinimderdi jinaýdy aiaqtady. Bul týraly "Ult aqparat" partiianyń baspasóz qyzmetine silteme jasap habarlaidy.
Jobanyń basty maqsaty - azamattardy tolǵandyratyn asa ótkir áleýmettik-ekonomikalyq, qoǵamdyq mańyzy bar problemalardy anyqtaý. Saýalnama onlain jáne oflain formattarda júrgizildi. Partiia músheleri júzdegen aýyldy aralady. Sonymen qatar, saýalnama uiymdastyrýǵa búkil el boiynsha 700-den astam eriktiler kómek kórsetti.
Partiianyń Saiasi keńesiniń sheshimi boiynsha saýalnama paraǵyna barlyǵy 14 taqyryp engizildi jáne respondentter óz amanattaryn qaldyra aldy. Aldaǵy ýaqytta partiia basshylyǵy jalpyulttyq saýalnama nátijeleri týraly habardar etedi.
«El Amanaty» - «Aýyl» halyqtyq-demokratiialyq patriottyq partiiasy ótkizgen alǵashqy jalpyulttyq saýalnamasy.
«Aýyl» partiiasy Saiasi keńesiniń sheshimi boiynsha «El Amanaty» jalpyulttyq saýalnamasyna engizilgen máselelerdiń tizbesi:
- Memlekettik biýdjet qarajatynyń tiimsiz baǵdarlamalarǵa milliardtap jumsalýyn toqtatyp, halyq múddesine baǵyttaý;
- Jańa áleýmettik saiasatty qalyptastyrý, ásirese járdemaqynyń ár balaǵa tólenýin qamtamasyz etý;
- Jerdiń shetel azamattaryna satylýyna jáne jalǵa berilýine tyiym salý;
- Jastarǵa bilimniń, jumys pen baspanany qol jetimdi etý;
- Turaqty jumys oryndaryn ashýdy yntalandyrý. Jumysshy eńbeginiń ádil baǵalanýy men múddesin qorǵaý;
- Jemqorlardyń jazasyn kúsheitý arqyly korrýptsiianyń «tamyrynabaltashabý»;
- Halyq kóp tutynatyn taýar túrlerin óndirýshilerdi qoldaý arqyly import úlesin azaitý;
- Shalǵaidaǵy jáne memleket shekarasyna jaqyn ornalasqan eldi-mekenderde turyp jatqan azamattarǵa memlekettik qoldaý kórsetý;
- Jol qurylysy jáne áleýmettik mańyzdy obektilerdi qabyldap alý barysynda qoǵamdyq baqylaýdy kúsheitý;
- Aýyldyq eldimekenderdiń barlyǵyn, sonyń ishinde shalǵaidaǵy aýyldardy internetpen qamtý;
- Sheteldegi qandastarǵa Qazaqstan Respýblikasynyń azamattyǵyn alýdy jeńildetý;
- Sport pen mádeniet salalarynda «tanys-tamyrlyqty» joiý. Ásirese halyqaralyq deńgeide el namysyn qorǵaityn azamattardyń ádil iriktelýin qamtamasyz etý;
- Aýyldardaǵy ońtailandyrý kezeńinde jabylyp qalǵan meditsinalyq mekemelerdi qaita ashý;
- Ónim óndiretin shaǵyn jáne orta biznes ókilderi men fermerlerdi nesielendirýdiń paiyzdyq mólsherlemesin 2-4%-ǵa deiin tómendetý jáne komýnaldyq shyǵyndaryn sýbsidiialaý.
