Ekstremizm qai jerden soqqy jasaitynyn eshkim de bilmeidi. Bul týraly Nursultan Nazarbaev "Rossiia 24" arnasyna bergen suhbatynda málimdedi, - dep habarlaidy "Ult aqparat".
Reseilik telearnaǵa bergen suhbatynda, Memleket basshysy Ortalyq Aziiada terrorizm men ekstremizmnyń aldyn alý Ujymdyq qaýipsizdik kelisim uiymynyń memlekettik keshendi yqpal etý ózektiligin aita ketti.
"Ujymdyq qaýipsizdik kelisim uiymyna múshe bolý bul bizdiń erikti túrdegi sheshim. Ol naqty bireýge qarsy baǵyttalmaǵan. Bul áskeri blok emes. Bul naǵyz kerekti uiym. Sebebi qazirgi ýaqytta kez-kelgen memlekette terrorizm men ekstremizm japa shegýi múmkin jáne lańkester qai ýaqytta qai jerden soqqy jasaitynyn eshkim bilmeidi. Álemniń barlyq elderinde osymen kúres júrip jatyr", - dedi Nursultan Nazarbaev.
"Ujymdyq qaýipsizdik kelisim uiymynyń osy sharttarynda bizdiń ortaq jumysymyz kórinedi. Mysaly, Ujymdyq qaýipsizdik kelisim uiymynyń ońtústik shekarasynda, Tájikstan, Túrkmenstan, Ózbekstan elderi Aýǵanstanǵa jaqyn, olarǵa DAISh lańkesteri qysym kórsetýi múmkin. Qudaiǵa shúkir, qazirgi ýaqytta eshqandai memleket mundai qaýipti kórip otyrǵan joq. Alaida buǵan daiyn bolý kerek. UQKU - bul ujymdyq organ, bul jerde máseleler ujymdasý arqyly sheshiledi jáne bizdiń bir múshemizge shabýyl jasalǵan ýaqytta, barlyq azamattar osy uiymnyń aruasynda senimdi bolady dep oilaimyn", - dep bólisti Qazaqstan Prezidenti óz oiymen.
Eske salaiyq, Qazaqstan Prezidenti Nursultan Nazarbaev "Rossiia 24" telearnasyna bergen suhbatynda Astananyń ataýyn ózgertý týraly aitqan bolatyn. Ol Qazaqstannyń astanasynyń ataýyn ózgertýge esh qajettilik joǵyn aitqan.
.jpeg)