QR Prezidenti Nursultan Nazarbaev Astanadaǵy EKSPO-2017 kórmesiniń aimaǵynda Halyqaralyq qarjy ortalyǵynyń ashylatyndyǵyn jer-jahanǵa jariia etti, dep habarlaidy Ult.kz tilshisi QazAqparat agenttigine silteme jasap.
«EKSPO-nyń barlyq infraqurylymy kórmeden keiin de keńinen paidalanylady. Bul jerde «Astana» halyqaralyq qarjy ortalyǵy ashylady. Oǵan qatysty arnaiy zań qabyldandy. Konstitýtsiia ózgertildi. Qarjy ortalyǵynda aǵylshynnyń quqyqtyq júiesi bolady.
Ortalyqtyń ózi aǵylshyn tilinde jumys isteidi. Atalǵan ortalyq aimaqqa investitsiiany keńinen tartady. Bylaisha aitqanda, osy óńirdiń «qarjy qaqpasyna» ainalady», - dedi Nazarbaev búgin kórmeniń ashylý saltanatynda.
Budan bólek, kórme aimaǵynda «jasyl» tehnologiialardy damytýdyń halyqaralyq ortalyǵy men IT startaptardyń tehnoparki qurylady.
«Osylaisha, EKSPO-nyń innovatsiialyq pýlsi elimizdiń damýy, jalpy aimaq pen álemniń igiligi úshin óz jalǵasyn tabatyn bolady», -dep atap kórsetti Nursultan Nazarbaev.
Aita keteiik, búgin Astanadaǵy EKSPO-2017 Halyqaralyq kórmesi resmi túrde ashyldy. Saltanatty jiynǵa Qytai, Resei, Chehiia, Ispaniia, Qyrǵyzstan, Armeniia, Ózbekstan, Serbiia, Úndistan, Belarýs, Mońǵoliia, Túrikmenstan, Pákistan, Tájikstan men Ispaniianyń basshylary qatysty.
