- «Astana EKSPO-2017» Ulttyq kompaniiasy jańa dekorativti shatyr qurylysynyń jobasyn ázirledi, dep habarlaidy Ult.kz tilshisi QazAqparat agenttigine silteme jasap.
«Búgingi tańda jańa dekorativti shatyrdyń qurylysy boiynsha joba ázirlendi. Sonymen qatar, qaýipsizdik úshin búkil dekorativti nysandardy bekitý jobasy da ázirlendi»,-dep habarlady agenttigimizdiń resmi saýalyna jaýap bergen kompaniia.
Ózderińiz biletindei, 2016 jyldyń qarashasynda kórme aýmaǵyndaǵy dekorativti nysan ortasynan opyrylyp túsken edi. Qurylysshylar oqiǵany videoǵa túsirip alyp, áleýmettik jelide taratqan bolatyn.
«Sol dekorativti nysan qulaǵannan keiin bir apta ishinde sol aýmaq tazalanyp bitti», - dep habarlap otyr «Astana EKSPO-2017» kompaniiasynyń baspasóz qyzmeti.
Táýelsiz sarapshylar «dekorativti kópir merdiger tańdaǵan sapasyz metaldan salynǵan jáne ol metall aiazǵa shydamai qulady» degen qorytyndy shyǵardy. Memlekettik komissiia nysandy qabyldaǵan joq, sondyqtan, merdiger jobalaýshymen birge qulaǵan aspany óz qarajatyna qaita salady.
.jpeg)