EKSPO-2017 halyqaralyq kórmesindegi OQO foto-kórmesin túrli elderden kelgen qonaqtar tamashalady, - dep habarlaidy "Ult aqparat".
Ońtústiktiń Qazaqstannyń kórki – 25 fotosýrette. EKSPO-2017 kórmesinde usynylǵan fotolarda Q.A.Iassaýi jáne Arystan bab, Qarashash ana keseneleri, kóne Otyrar men Saýran qalalary, Aqmeshit úńgiri, “Alash” etno aýyly, etno-ortalyq beinelengen. Ekspozitsiiaǵa kúngeidiń tamasha tabiǵatynyń fotosýretteri de enip otyr.
Is-shara joǵary dárejede ótýde. Foto-kórmege EKSPO komissarlary, komissarlardyń orynbasarlary, kórmelerdiń halyqaralyq biýrosynyń delegattary men pavilon direktorlary, diplomatiialyq ókildik basshylary, halyqaralyq iri kompaniialardyń ieleri – 100 elden kelgen qonaqtar qatysty.
Ońtústiktegi týrizmniń damýyn jańa satyǵa kóteretin is-sharany Ońtústik Qazaqstan oblystyq kásipkerlik, indýstrialdy-innovatsiialyq damý jáne týrizm basqarmasynyń qoldaýymen Ontustik Tourism ortalyǵy jáne “Ońtústik Qazaqstan oblysyndaǵy týrizm indýstriiasyn damytý ortalyǵy” qaýymdastyǵy uiymdastyrdy. Aita keteiik, foto-kórmedegi ekspozitsiia qonaqtardy qatty qyzyqtyrdy.
Lý Dji, Uly Jibek joly pavilonynyń komissary, Úndistannan kelgen: “Eń aldymen, EKSPO-2017 halyqaralyq kórmesi álemdik deńgeidegi aýqymdy is-shara ekenin atap ótý kerek. Al Sizder tańdap alǵan “Bolashaqtyń energiiasy” taqyryby osy jarqyn bolashaqqa jaqyndap, alǵa qadam basýǵa múmkindik beredi. Men EKSPO-2017 kórmesinen keremet áser alyp júrmin. Qazaqstan meni baýrap aldy. Osynda kelgeli beri biznes-qaýymdastyqpen kezdesip, bolashaqqa jospar qurdyq. Bul eldiń adamdary – keremet. Al búgingi foto-kórme jaily aitar bolsam, óte joǵary deńgeide ótip jatyr. Uiymdastyrýshylar jaqsy jumys atqarǵan. Kórmeni ótkizýge asqan jaýapkershilikpen atsalysýda. Ońtústik Qazaqstan oblysynyń qonaqjailylyǵyn pash etetin foto-sýretter – óz aldyna bólek taqyryp. Qazaqstannyń Ońtústiginde týrister qyzyǵatyn jer óte kóp, tarihy bai, tabiǵaty tamasha. Sondyqtan, Ońtústikke saiahattap barýdy josparlap otyrmyn.”
Ásem Qazbaǵarova, Sky Way Travel týroperatorynyń bas direktory: “Ońtústik Qazaqstan oblysy osyndai is-sharany ótkizgen alǵash oblys ekenin aita ketý kerek. Bul – halyqaralyq dárejedegi alańshada óz áleýetińdi tanystyrýǵa keremet múmkindik. Ishki jáne syrtqy baǵyttaǵy týrizmdi damytýǵa, sheteldik týristerdiń qyzyǵýshylyǵyn týdyrýǵa jaqsy múmkindik. Búgin bizge álemniń túkpir-túkpirinen qonaqtar kelip otyr. Biz bul is-shara Qazaqstannyń, onyń ishinde Ońtústik Qazaqstan ólkesiniń týrizm salasyn, Uly Jibek joly boiyndaǵy qalalardy tek elimizde ǵana emes, shetelde de tanytýǵa sep bolady dep senemiz. Maqsatymyz – Ońtústik Qazaqstanda búkil álem qyzyǵatyn týristik ólke retinde damytý. Bir belgilisi – Qazaqstan men Ońtústik Qazaqstan oblysynyń bul tustaǵy áleýeti óte keń. EKSPO-2017 kórmesi osy áleýetti damytýǵa kómektesedi dep senemiz.”
Anyqtama: World Expo Commissioners klýby qurylǵan sátinen bastap Halyqaralyq kórmelermen tyǵyz bailanysty jumys isteýde. Onyń maqsaty – kórmeni uiymdastyrǵan eldiń qonaqjailylyǵyn damytý men mádeniet aralyq dialog ornatý, jergilikti jáne halyqaralyq institýttardyń, jeke sektordyń bailanysyn nyǵaitý. Klýbtyń jyl boiy ótkizilgen is-sharalar toly arnaiy kúntizbe platformasy bar.
