Biyl 1 jáne 10 shilde aralyǵynda "ASTANA EKSPO-2017" UK" AQ Astana qalasy kúnine orai merekelik aktsiia ótkizbek. Sonymen qatar Kórmeniń jańa úlgidegi biletteri satylymǵa engiziledi, dep habarlaidy "Ult aqparat".
Aktsiia boiynsha, Astana qalasynyń turǵyndary men qonaqtary Kórmeniń kireberistegi toptarynan úsh birdei bilet alsa, qosymsha bireýi syiǵa tartylady.
Al demalys kúnderi balalar men 17 jasqa deiingi jasóspirimder kórme qyzyqtaryn tegin tamashalai alady. Erejege sai 12 jasqa deiingi balalar mindetti túrde eresek adamnyń qaraýynda bolýy tiis. Oǵan qosymsha, jasyna anyqtama beretin kýálik kórsetilýi qajet.
Budan ózge, kompaniia "Keshki" atty jańa bilettiń shyqqanyn eskertedi. Ol saǵat 18.30-dan soń jaramdy. Bilettiń quny jumys kúnderi 2000 teńge bolsa, demalys kúnderi 3000 teńgeni quraidy. Al, arnaiy sanattaǵy adamdar úshin qosymsha jeńildikter qarastyrylǵan. Tiisinshe, olar biletti jumys ýaqytynda 1000 teńgege alsa, demalys kúnderi 1500 teńgege iemdene alady.
Eske sala keteiik, EKSPO-2017 kórmesine arnalǵan abonementter de satylymǵa shyǵyp úlgerdi. Bútin kezeń boiy óz kúshin joimaityn abonementtiń quny jai sanattaǵy adamdar úshin 50000 teńgeni qurasa, arnaiy sanattaǵy turǵyndar úshin 25000 teńge kóleminde. Abonementterdi EKSPO-2017 kórmesiniń resmi kassalary men kireberistegi toptardan satyp alý múmkindigi bar. Barlyq abonement ataýly bolǵandyqtan, jeke kýáliktiń bolýy mindet.
