بيىل 1 جەنە 10 شٸلدە ارالىعىندا "استانا ەكسپو-2017" ۇك" اق استانا قالاسى كٷنٸنە وراي مەرەكەلٸك اكتسييا ٶتكٸزبەك. سونىمەن قاتار كٶرمەنٸڭ جاڭا ٷلگٸدەگٸ بيلەتتەرٸ ساتىلىمعا ەنگٸزٸلەدٸ, دەپ حابارلايدى "ۇلت اقپارات".
اكتسييا بويىنشا, استانا قالاسىنىڭ تۇرعىندارى مەن قوناقتارى كٶرمەنٸڭ كٸرەبەرٸستەگٸ توپتارىنان ٷش بٸردەي بيلەت السا, قوسىمشا بٸرەۋٸ سىيعا تارتىلادى.
ال دەمالىس كٷندەرٸ بالالار مەن 17 جاسقا دەيٸنگٸ جاسٶسپٸرٸمدەر كٶرمە قىزىقتارىن تەگٸن تاماشالاي الادى. ەرەجەگە ساي 12 جاسقا دەيٸنگٸ بالالار مٸندەتتٸ تٷردە ەرەسەك ادامنىڭ قاراۋىندا بولۋى تيٸس. وعان قوسىمشا, جاسىنا انىقتاما بەرەتٸن كۋەلٸك كٶرسەتٸلۋٸ قاجەت.
بۇدان ٶزگە, كومپانييا "كەشكٸ" اتتى جاڭا بيلەتتٸڭ شىققانىن ەسكەرتەدٸ. ول ساعات 18.30-دان سوڭ جارامدى. بيلەتتٸڭ قۇنى جۇمىس كٷندەرٸ 2000 تەڭگە بولسا, دەمالىس كٷندەرٸ 3000 تەڭگەنٸ قۇرايدى. ال, ارنايى ساناتتاعى ادامدار ٷشٸن قوسىمشا جەڭٸلدٸكتەر قاراستىرىلعان. تيٸسٸنشە, ولار بيلەتتٸ جۇمىس ۋاقىتىندا 1000 تەڭگەگە السا, دەمالىس كٷندەرٸ 1500 تەڭگەگە يەمدەنە الادى.
ەسكە سالا كەتەيٸك, ەكسپو-2017 كٶرمەسٸنە ارنالعان ابونەمەنتتەر دە ساتىلىمعا شىعىپ ٷلگەردٸ. بٷتٸن كەزەڭ بويى ٶز كٷشٸن جويمايتىن ابونەمەنتتٸڭ قۇنى جاي ساناتتاعى ادامدار ٷشٸن 50000 تەڭگەنٸ قۇراسا, ارنايى ساناتتاعى تۇرعىندار ٷشٸن 25000 تەڭگە كٶلەمٸندە. ابونەمەنتتەردٸ ەكسپو-2017 كٶرمەسٸنٸڭ رەسمي كاسسالارى مەن كٸرەبەرٸستەگٸ توپتاردان ساتىپ الۋ مٷمكٸندٸگٸ بار. بارلىق ابونەمەنت اتاۋلى بولعاندىقتان, جەكە كۋەلٸكتٸڭ بولۋى مٸندەت.
