«Astana EKSPO-2017» ulttyq kompaniiasy azamattar men sheteldik qonaqtar úshin Biryńǵai qyzmet kórsetý jáne Akkreditteý ortalyqtarynyń tusaýkeser rásimin ótkizdi, dep habarlaidy Baq.kz tilshisi.
Jańadan iske qosylǵan biryńǵai qyzmet kórsetý ortalyǵynyń jumysyn «Astana EKSPO-2017» UK» AQ Servistik qyzmet kórsetý departamentiniń direktory Diias Ázbergenov túsindirdi.
«Atalmysh ortalyq Qazaqstan men Halyqaralyq kórme biýrosy arasyndaǵy kelisimshart negizinde ashylǵan bolatyn. Bul jerde 5 memlekettik organ 12 memlekettik qyzmet kórsetedi. Qazirgi tańda ortalyq jumysynyń reglamenti 5 ministrliktiń buiryǵymen bekitildi. Ortalyqta memlekettik qyzmetten basqa banktik, notariýstik, kepildendirý, poshtalyq qyzmet túrleri bar. Ortalyqta 35 qyzmetker jumys isteidi. Jumys ýaqyty: dúisenbiden jumaǵa deiin tańǵy 9-dan keshki 18:30-ǵa deiin», - dedi departament direktory.
Diias Ázbergenovtyń aitýynsha, bailanys ortalyǵy kórme qatysýshylaryna táýlik boiy qyzmet kórsetetin bolady. Al turǵyndar men qonaqtar vizalyq qoldaý kórsetý, kóshi-qon esebi, salyq salý, kedendik ister, avtorlyq quqyq syndy memlekettik qyzmet túrlerin paidalana alady. Aldaǵy ýaqytta bul jerde sanitarlyq-epidemiologiialyq baqylaý bólimi de ashylady.
Alaida, Servistik qyzmet kórsetý departamentiniń direktory ortalyqta jumys isteitin mamandardyń barlyǵy shet tilin bilmeitinin jetkizdi.
«Ókinishke qarai, bul ortalyqta jumys isteitin memlekettik qyzmetkerlerdiń barlyǵy shet tilin meńgergen dep aita almaimyn. Biraq, bul máseleni sheshtik. Iaǵni shet tilin jetik meńgergen eriktiler memlekettik qyzmetkerlerge kómektesedi», - direktor.
Sonymen qatar, «EKSPO-2017» halyqaralyq kórmesiniń alańynda Akkreditteý ortalyǵy da resmi túrde óz jumysyn bastady.
«Biz akkreditatsiiadan ótkizetin aqparattyq júieni iske qostyq. Bul «EKSPO-2017» halyqaralyq kórmesi kezinde qaýipsizdik sharasyn joǵary deńgeide ótkizýge múmkindik beredi. Klienttik toptar nemese memleket, kompaniia ókilderi anyqtalady. Olarǵa qupiia sózben arnaiy login beriledi. Keiin olar sol arqyly jeke derekterin aqparattyq júiege engize alady. Bul aqparattar 4 quqyq qorǵaý organdaryna jiberiledi. Olar – QR IIM, UQK, «Syrbar» syrtqy barlaý qyzmeti, Memlekettik kúzet qyzmeti. Aqparattar 20 jumys saǵaty ishinde tekseriledi. Biz qonaqtar men turǵyndarǵa «bir tereze» qaǵidasy boiynsha qyzmet kórsetemiz. Qazirgi tańda biz ulttyq kompaniianyń bólimshelerimen birige otyryp, málimetter bazasyn jasadyq», - dep túsindirdi «Astana EKSPO-2017» UQ» Operatsiialyq basqarý jáne táýekel-menedjmenti departamentiniń direktory Marken Ahmetov.
Aita keteiik, «EKSPO» halyqaralyq mamandyrylǵan kórmesi 2017 jyly Astana qalasynda 10 maýsymnan 10 qyrkúiekke deiin ótedi. Kórmege 5 mln qonaq keledi dep kútilýde.
