- EKSPO-2017 qarsańynda elordada azamattardyń ýaqytsha tirkelýine tekserý júrgizilmeidi. Bul týraly búgin Astana qalalyq IID Kóshi-qon politsiiasy basqarmasynyń bastyǵy Gúlvira Dónenbaeva málim etti, dep habarlaidy Ult.kz tilshisi QazAqparat agenttigine silteme jasap.
«Qala qaýipsizdigi boiynsha sharalar júrgiziletin bolady. Barlyq jeke quram jumyldyrylady. Narkologiialyq dispanser syndy mekemelerde esepte turǵandar tekseriledi. Biraq, bul zańǵa moiynsunǵan azamattar zardap shegedi degen sóz emes. Sondyqtan bul tekserýdiń qajeti de joq. Qaýipsizdik boiynsha barlyq qajetti sharalar qabyldanýda. Sol sebepti menińshe bul másele kóterilmek emes. Qalai degende de 2017 jylǵa mundai jospar joq», - dedi ol BAQ ókilderiniń halyqaralyq kórme qarsańynda elorda turǵyndarynyń ýaqytsha tirkelýin jappai tekserý bola ma degen saýalyna orai.
Eske sala keteiik, Almaty oblysynyń ońtústik óńirlerindegi bes aýdanda «Quqyqtyq tártip» sharasy bastalǵan bolatyn. Onyń maqsaty - 28-i Qysqy Ýniversiada qarsańynda jedel jaǵdaidyń turaqtyǵyn qamtamasyz etý. Politsiia qyzmetkerleriniń aldyn alý sharasy Ýniversiadaǵa deiingi 6-25 qańtar aralyǵynda ótedi. Negizgi másele qoǵamdyq qaýipsizdikke, esirtki men qarý-jaraqtyń zańsyz ainalymyna, kóshi-qon zańnamasynyń buzýshylyqtaryn boldyrmaýǵa, qylmyskerler men iz-túzsiz joǵalǵandardy izdestirýge basa nazar aýdarýda bolyp otyr.
.jpeg)