«EXPO-2017» halyqaralyq kórmesin ótkizetin el mártebesi Qazaqstannyń elordasy - Astana qalasyna buiyrǵandyǵy 2012 jyldyń 22 qarashasynda Frantsiianyń astanasy Parij qalasynda ótken HKB-niń EXPO halyqaralyq biýrosy Bas assambleiasynyń 152-shi sessiiasy barysynda belgili boldy. Jasyryn daýys berý qorytyndysy boiynsha HKB-nyń 103 múshe-memleketi Astana qalasyna daýys berse, bizdiń básekelesimiz belgiialyq Lej qalasy 44 daýys jinaǵan-tyn. Bizdiń eldiń uiymdastyrýshylarynyń tarapynan usynylǵan Future Energy, iaǵni Bolashaq qýaty taqyryby sarapshylardyń kópshiliginiń kóńilinen shyǵyp, «EXPO-2017» halyqaralyq kórmesiniń taqyryby retinde qoldaý tapqan edi.
Qazaqstan tarapynan barǵan uiymdastyrýshylar Astanada ótkiziletin «EXPO-2017» kórmesininiń basty taqyryby retinde «Bolashaqtyń energiiasy» atty taqyrypty usyný sebebi, ol eń aldymen, balamaly energiia kózderin damytýdy qosa alǵanda, energetikadaǵy sapaly ózgerister joly men ony tasymaldaý tásilderin izdestirýge baǵyttalǵandyǵy bolyp tabylady. Ekinshiden, ornyqty energiiamen jabdyqtaý osy kúnde jahandyq kólemdegi negizgi másele bolyp sanalady jáne ony sheshý ekonomikalyq ósimdi qamtamasyz etý jáne qorshaǵan ortaǵa keler ziiandy tómendetýge septigin tigizedi. Úshinshiden, Qazaqstannyń bul taqyrypty tańdaýynyń basty negizi — elimizdiń dástúrli energiialyq resýrstardyń eleýli qoryna ie bola otyryp, balamaly energiia kózderin paidalaný jónindegi sharalardy dáiekti túrde qabyldaýda jáne «jasyl» ekonomika qurý baǵytyn ustanǵandyǵy.
«EXPO-2017» — indýstriliazatsiianyń simvoly. Tehnikalyq jetistikter men tehnikanyń ózin nazarǵa salatyn halyqaralyq kórme.
Endeshe, biz keshe ǵana dúrkirep ótken «EXPO-2017» kórmesi jaily álem elderi basshylary men beldi saiasatkerleriniń pikir-oilaryn, olardyń osynaý Uly toidan alǵan áserleri men oraiy kelgende bildirgen quttyqtaý tilek-lebizderiniń bir parasyn oqyrman nazaryna usynǵandy jón sanadyq. Qosymsha retinde arnaiy jinaqtalǵan jazbasha úlgileriniń sýretterin shaǵyn kitapshadaǵy nusqada usynamyz.
Astanadaǵy “EKSPO-2017» aralap úlken áser aldym. Osyndai aýqymdaǵy kórme ózekti aqprattar, ońtaily tájiibe, ártúrli saladaǵy aldyńǵy qatarly jetistiktermen almasý úshin ǵalamdyq alań retinde qyzmet etedi, sondai-aq búgin halyqaralyq yntymaqastyqty damytý men jalpyǵa ortaq beibitshilikti nyǵaitý úshin tamasha múmkindik týyp otyrǵany óte mańyzdy.
“EKSPO-2017» uiymdastyrýshylarǵa belsendi jáne tabysty jumys, barlyq qonaqtarǵa jarqyn, umytylmas áserler, jemisti bailanystar men ózara túsinistik tileimin.
12.06.2017
Minnihanov Rýstam Nýrgalievich
Tatarstan Respýblikasynyń Prezidenti
Qazaqstanda EKSPO kórmesiniń ashylýymen quttyqtaimyn! Sizder tamasha jumystar jasadyńyzdar jáne osyndai aýqymy zor oqiǵaǵa qatysý Liýksenbýrg úshin qurmet!
Úlken rahmet jáne tabystar tileimin!
11 maýsym, 2017
Eten Shnaider
Liýksembýrgtyń Vitse-premer-ministri
Dostyq pen yntymaqtastyqtyń belgisi retinde jáne EKSPO-2017 halyqaralyq kórmesine orai dostyq Qazaqstanǵa barlyq jaqsy tilekterimdi jáne qazaq halqyna aman-saýlyq tileimin.
Ýsmonzoda. Ý.
(Tájikstan Respýblikasynyń Energetika jáne sý resýrstarynyń ministri)
12.06.2017
Bolashaq energiiasyna arnalǵan EKSPO-2017 kórmesi men úshin áserli jáne aýqymy zor oqiǵanyń bir bóligi bolyp tabylady. Osynda usynylǵan innovatsiialar Qazaqstanǵa jáne odan tysqary jerlerge iglikter alyp keletinine men senemin. EKSPO 2017 qol jetimdi, senimdi, jańartylǵan energiiaiany usyna otyryp, álemniń barynsha turaqty beibitshilikke qol jetkizýine óziniń úlesin qosatynyna senemin. «Nur Álem» - osy máselelerdiń dáleli. Birikken Ulttar Uiymy atynan EKSPO -2017 qatysýshylar retinde Qazaqstanǵa turaqty damý jáne Kún tártibi 2030 salasyndaǵy shyn yqylasty qoldaýy úshin Qazaqstanǵa alǵysymyzdy bildiremiz. Jetistikterińizben quttyqtaimyn!
12 maýsym 2017
Djihan Sýltanoglý
BUU Bas Hatshysynyń kómekshisi
EKSPO 2017 BUU bas komissary
Astana, 2017 jyl 14 maýsym
Qazaqstan Respýblikasy men EHRO-2017 qonaqtaryna arnalady
Búgingi ulttyq kúni barysynda óz elimdi - Avstriia Respýblikasyna ókil etý men úshin úlken mártebe jáne qýanysh. Qazaqstan Respýblikasyn «Bolashaq energiiasy» atty jahandyq mańyzdy taqyrybyna degen tańǵajaiyp qushtarlyǵymen quttyqtaýǵa ruqsat etińiz. Avstriia óz pavilonynda jańartylatyn energiia kózderi, energiia tiimdiligi, qorshaǵan ortany qorǵaý jáne turaqty damý salalaryndaǵy álemdik kóshbasshylyqty dáleldei alǵanyn maqtan tutamyz.
Qazaqstan Respýblikasyna EKSPO-2017 halyqaralyq kórmesinde tabystarǵa odan ári qol jetkizýin tileimiz. Sáttilik tileimin!
Avstriianyń ǵylym, zertteý jáne ekonomika vitse-ministri
Bernadett Marianna Gerlinger
Halyqaralyq ǵylymi-tehnikalyq ortalyq (HǴTO) Astana EKSPO 2017 oilastyrylǵandai, Sizderge eń jarqyn bolshaq tileimiz.
Ronald Leman
EQYU (OBSE) Astanadaǵy EKSPO 2017 shaqyrý boiynsha qatysatyna óte qýanyshty. Biz Prezident N.Nazarbaevqa, Qazaqstan Úkimetine jáne EKSPO 2017 uiymdastyrýshylarǵa bizdiń Uiymnyń osy oqiǵanyń bóligi bolýǵa múmkindik jasaǵany úshin alǵys aitqymyz keledi.
Aimaqta turaqty energiiany jyljytýǵa baǵyttalǵan Qazaqstannyń kúsh-jigeri súisindiredi jáne erekshe maqtaýǵa laiyq.
Sizderdi asa aýqymdy jáne óte mańyzdy oqiǵamen quttyqtaimyz. Biz kórmege tabys tileimiz, ol oǵan laiyqty, EKSPO bolashaq energiiasy salasyndaǵy pármendi yntymaqtastyqqa jáne naqty is-qimylǵa óziniń úlesin qosady degen úmittemiz!
14.06.2017
Výk Jýgich
EQYU delegatsiiasynyń basshysy
Qurmetti dos Qazaqstan eli!
Bolashaqtaǵy investitsiialarda sáttilik jáne jańǵyrmaly energetika salasynda kóshbasshy bolýdy tileimin!
Gennadii Zýbko
15.06.2017
Men Astana EKSPO 2017 ashylýynda bolǵanyma óte qýanyshtymyn. Qazaqstannyń pavilony erekshe áser qaldyrdy.
Sizdiń áserli elderińizde ótkenge jáne bolashaqqa umytylmas sapar shektirgenderińiz úshin úlken rahmet. Sizderge jáne Sizdiń elińizge barlyq jaqsylyqtardy tileimin.
Árdaiym Shveitsariiaǵa senim artsańyzdar bolady.
Dide Býrkhalter
Shveitsariianyń Syrtqy ister ministri
Joǵary mártebeli N.Nazarbaevtpen birge umytylmaityn Astana EKSPO kórmesin aralady.
Finliandiia Respýblikasynyń Prezidenti
Tańǵalarlyq Astana 2017 kórmesi maǵan óte jaǵymdy áser qaldyrdy jáne 21 maýsym – Frantsiia ulttyq kúnine orai Astanaǵa Frantsiia eliniń ókili retinde kelý men úshin úlken maqtanysh.
Florans MANJEN
Kontinenttik Eýropa departamentiniń direktory
Frantsiia syrtqy jáne eýropalyq ister ministrligi
Osynaý pavilonnyń tujyrymdamasy men bezendirilýi óte áserli – keremet!
Ben vann Berden
«Shell» kontsrniniń bas atqarýshy direktory
Jyly qabyldaý men áserli ekskýriia úshin úlken rahmet. Biz Qazaqstandy qushaǵymyzǵa aldyq.
22 maýsym 2017
Antoni Verstig
Gaaga, Niderlandy
Astana EKSPO 2017 rahat sezimge bólendik! Qonaqjailylyqqa, jyly qabyldaýǵa jáne kórmege qairan qaldyq!
Kóp uzamai qaita kelemin degen úmittemin.
Djon Meier
Niderlandy
(«Bom Group»)
Kórmeniń osy taqyrybyn uiymdastyrǵany úshin Astanaǵa, Qazaqstanǵa rahmet. Tarih ózgeristi kezeńge taiap keledi, alaida adamdardyń jańartylǵan energiiany uǵynýy men habardar bolýy bizdiń planetamyzdyń tirshilik qabiletin qoldaýǵa múmkindik beredi.
T.Lambrok
Qazaqstandy tamasha EKSPO-men quttyqtaimyn! Teńdesi joq! Bul kórme Qazaqstan men Niderlandy arasyndaǵy qarym-qatynasta burynǵydan da zoo «bolashaq energiiasyn» iske qosady.
22 maýsym 2017
Henk Kamp
Ekonomika ministri
24 maýsym 2017 j.
Biz EKSPO 2017 zerdeledik jáne kózben kórip tań qaldyq jáne mán-mánisin uǵyndyq. Qazaqstan alǵa umtylyp damyp jatqanyn kórdik. Bizder ásirese tehnologiia salasyndaǵy aramyzdaǵy áriptestik qatynastardyń damýyna múddelimiz. Rahmet!
Osman Saleh
Eritrei Syrtqy ister ministri
Astana, 28 maýsym 2017
Astana Ekspo kórmesin quttyqtaimyn, sondai-aq Koreia men Qazaqstan arasyndaǵy qatynastarǵa gúldený men damý tileimin.
19.07.1017
Koreianyń Saýda, ónerkásip jáne energetika ministri
Kim Iong Sam
Qazaqstan uiymdastyrǵan EKSPO 2017 bolashaq energiiasyna jáne onyń tásilderine nazar aýdartady, halyqtar bolashaq úshin kúsh-jigerin biriktirip, energiianyń balamaly kózderin zertteýi qajet. Álemde barynsha taza jáne salaýatty qorshaǵan ortany qamtamasyz etý úshin, dástúrli energiia ózge de resýrstarmen alamasyrylýǵa tiisti. Bul biregei salaýatty, ekologiialyq taza álem úshin jumylǵan kúsh-jigerdi baǵyttaýǵa talpynys. Biz EKSPO-2017 tabystar tileimiz.
Rahmet.
General Bipin Ravat
Úndistan armiiasy
1 tamyz 2017
Belarýssiiadan kelgen qonaqtar Astanadaǵy kórme kesheniniń aýqymdylyǵyna jáne innovatsiialyǵyna qairan qalyp otyr.
Atalǵan keshen astanaǵa kelýshiler men qonaqtarynyń suranysyna ie bolady.
Qurmetpen jáne igi nietpen Belorýstar.
08.08.2017 j.
BR Vitse-premeri
BOLIVIIa:
Aimara halqynyń qaǵidaty:
Barlyǵymyz birge bolaiyq,
Eshkimdi artta qaldyrmaiyq.
Barlyǵynda oǵan qajetti zaty bolsyn,
jáne qajettiliktiń týyndaýyna jol berilmesin!
ALLALLA (kechýa tilinde bul sóilegen sózderimizdiń barlyǵy bizdiń eńbegimiz ben kúsh-jigerimizdiń arqasynda oryndalady nemese oryndalmaidy, al eger biz jumys isteitin bolsaq, onda búkil ǵalam maqsatymyzǵa jetýge kómektesedi degendi bildiredi).
Fernando Ýanakýni Mamani
2017 jyl 17 tamyz
Asa záýlim!!! Adam qyzyǵarlyq, kreativti, tanymdylyǵy joǵary! Kelińizder berge jalǵastyraiyq. “Ekspo-2017” ujymyna gúldený, sáttilik, tabystar jáne densaýlyq tileimin!
Qurmeptpen, Sankt-Peterbýrgtiń vitse-gýbernatory
Movchan Sergei Nikolaevich
Óte áserli!
General Tanasak Patimapragorn
Premer-ministrdiń orynbasary, Tailand
Marshal Prajin Djýntong
Premer-ministrdiń orynbasary, Tailand
12 tamyz 2017
Kórgenim meni áserge bóledi! «EKSPO-2017» kórmesinde EAEO memleketteri men álemniń ózge de kóptegen elderi ózderiniń tehnologiialyq jáne ǵylymi mektepteriniń kúsh-qýatyn kórsetedi, ózderiniń jetistikterin jáne innovatsiialyq ázirlemelerin kórsetedi.
«EKSPO-2017» uiymdastyrýshylaryna jinaqtaǵan tájiribeni saqtaýdy tileimin. Biregei sálettik keshen tehnologiia men innovatsiia ortalyǵy retinde óz ómirin jalǵastyra bersin.
Qurmetpen, EEK Kollenii tóraǵasy
Asa záýlim! Qazaqstan bizdiń kórshimiz jáne úlken dosymyz!
Tamasha pavilon, biregei ekspozitsiia. Bizdiń kórshi aǵaiyndar úshin qýanyshtymyn. Rahmet!
Orynbor obl. gýbernatory
Berg Iýrii Aleksandrovich
23.08.2017
EKSPO-2017-ny tańdanypen tastap baramyyn.
Barlyǵy keremet!
Qazaqstan senimdi alǵa basyp keledi!
Kórme qurylysshylaryna osyndai tamashany, keńdikti kórýge múmkindik bergeni úshin alǵys aitamyn.
Qazaqstan halqyna beibitshilik pen bilimpazdyq tileimin.
ODKB Bas hatshysy
Iu. Hachatýrov
24.08.2017 j.
28 tamyz 2017
Prezident Tramptyń jáne onyń ákimshiligi atynan Sizderdi AQSh prezidenttik delegatsiiasyn Qazaqstanda qabyldaǵandaryńyz úshin alǵys aitamyz.
My polýchili ýdovolstvie ot vystavki Biz EKSPO 2017 kórmesinen rahat sezimge bólendik ásirese Qazaqstannyń ulttyq pavilony erekshe áserge bóledi. Osy sapar barysyndaǵy qonaqjailylyq pen yqylasty qabyldaýlaryńyz úshin Sizderge rizamyz. Energiia bolashaqtiki jáne biz ózara jemisti áriptestiktiń odan ári jalǵasatynyna úmittemiz.
Qurmetpen,
AQSh Energetika ministriniń orynbasary
Den Brýiett
Grýziia!
Bul úlken tabys jáne keremet bolashaq!! Bul adamazattyń damýynyń úlken bolashaǵy. Quttyqtaimyn.
Grýziia Joǵary soty. N. Gvenetadze
Astana bolyp, Qazaqstannyń jetistigi men damýyn kórý men úshin úlken bir ǵanibet. Serbiia men Qazaqstannyń maqtan tutyp, bolashaqqa senimmen qaraýǵa sebepteri bar. Táýelsiz halyqtardyń dostastyǵy máńgilik bolsyn!
Aleksandr Býlin
Serbiia Qorǵanys ministri
Tamasha kórme! Qazaqstan Respýblikasynyń Prezidenti men halqyn quttyqtaimyn!
Ismail Omar Gelle
Djibýti Respýblikasynyń Prezidenti.
«Nur Álem» pavilony ekspozitsiiasymen qyzyǵa otyryp tanystym.
Qazaqstan Respýblikasy bizdiń planetamyzda bolashaq urpaqtyń ómirin úilesimdi etýge arnalǵan, asa jańa tehnologiialardy usynyp otyr.
Shyn júrekten shyqqan tilekpen!
6.09.2017
«Transneft» ÓAQ Prezidenti
N. P. Tokarev
Siz ózderińizdiń eń qyzyqty jáne fýtýristik kózqarasyńyzdy júege asyra bildińiz!
Quttyqtaimyn!
Iýsýf Kalla
Indoneziia Vitse-prezidenti
Búgin 09.09.2017 j. EKSPO-2017 kórmesi aiasynda Qazaqstan pavilonyn tamashalap óttim. Bizdiń Ulttyq bilim ministrligi men Saýd Arabiiasyndaǵy Komor araldarynyń elshisinen qurylǵan delegatsiiamyz Pavilonnyń qurylysy tańqaldyrdy jáne óte qýantty. Biz osyndai bastamalardy qýana qarsy alamyz.
Komor araldary odaǵynyń Úkimeti atynan men barlyq uiymdastyrýshylarǵa jáne Qazaqstan Úkimetine jyly qabyldaǵany úshin alǵysymdy bildiremin.
Rahmet!
Abdýlla Said Sarýira
