Buǵan deiin QR Ulttyq ekonomika vitse-ministri qyzmetin atqarǵan Ermek Alpysov Qaraǵandy oblys ákiminiń orynbasary bolyp taǵaiyndaldy, dep habarlaidy oblysy ákiminiń baspasóz qyzmeti.
Ol energetika, turǵyn úi-kommýnaldyq sharýashylyq, jumyldyrý daiyndyǵy, halyqty jumyspen qamtý jáne áleýmettik qorǵaý máselelerine, sondai-aq eńbek qatynastaryna qatysty máselelerge jetekshilik etetin bolady.
Óńir basshysy Jeńis Qasymbek apparattyq keńeste óziniń jańa orynbasaryn tanystyrdy.
Ermek Alpysov 1971 jyly Soltústik Qazaqstan oblysynda dúniege kelgen.
Onyń eki joǵary bilimi bar - Abai atyndaǵy Almaty memlekettik ýniversitetin jáne I. Jansúgirov atyndaǵy Jetisý memlekettik ýniversitetin bitirgen. Mamandyǵy boiynsha geografiia jáne biologiia pánderiniń oqytýshysy, ekonomist.
Eńbek jolyn 1993 jyly Almaty qalasyndaǵy №156 orta mektepte bastaǵan.
2001 jyldan bastap Ermek Alpysov memlekettik qyzmette. Almaty oblystyq qorshaǵan ortany qorǵaý basqarmasynyń jetekshi bas mamany, inspektory, bólim bastyǵy qyzmetterin atqarǵan.
2004-2008 jyldary Almaty oblysy Aqsý aýdany ákiminiń orynbasary qyzmetin atqardy.
2008-2012 jyldary - Taldyqorǵan qalasy ákiminiń orynbasary.
2012-2015 jyldary Taldyqorǵan qalasynyń ákimi qyzmetin atqardy. Sondai-aq, QR Prezidenti Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń memlekettik inspektory, meńgerýshisiniń orynbasary bolyp jumys istedi.
2019 jyldan bastap osy ýaqytqa deiin Qazaqstan Respýblikasy Ulttyq ekonomika ministriniń orynbasary qyzmetin atqardy. Qaraǵandy oblysy ákiminiń orynbasary qyzmetin atqarǵan Álisher Ábdiqadyrov qaita taǵaiyndalýyna bailanysty qyzmetinen bosatyldy.
