Qariianyń videosy áleýmettik jelide tarady, dep habarlaidy ult.kz.
Ol balasynan qorlyq kórgenin egjei-tegjeili baiandady.
«Bul jaǵdai Atyraý oblysy, Qyzylqoǵa aýdany, Saǵyz selosynda bolǵan.
Óziniń týǵan balasy 90 jasqa taiap qalǵan týǵan ákesin adam tózgisiz jaǵdaiǵa jetkizgen. Atalǵan azamat buryn ishki ister organdarynda (politsiia qyzmetkeri) qyzmet atqarǵan, qazirgi ýaqytta zeinetker. Soǵan qaramastan, ol qartaiǵan ákesine qatygezdik kórsetip, ony úidiń bir bólmesine qamap ustaǵan. Qart kisige tamaq pen sý bermei, syrtqa shyǵýyna múmkindik jasamaǵan. Sonymen qatar, «terezeden qashyp ketesiń» degen syltaýmen onyń qoly men aiaǵyn skotchpen bailap, ar-namysyna tietin áreketter jasap, qorlaǵan.
Úlken atamyz bir sátin paidalanyp, dárethanaǵa barǵandai bolyp, qaishy taýyp alyp, qoly men aiaǵyndaǵy skotchtardy óz kúshimen sheshken. Keiin tún ortasynda úiden qashyp shyǵýǵa májbúr bolyp, beline kórpe (odeial) orap, tereze arqyly syrtqa shyǵyp ketken. Sodan keiin jaqyn mańda turatyn týǵan inisiniń úiine baryp, bolǵan jaǵdaidy aityp, kómek suraǵan.
Qazirgi ýaqytta bul jaǵdai boiynsha qart adamnyń ómiri men densaýlyǵyna qaýip tóndirgen áreketterge quqyqtyq baǵa berilip, kináli tulǵanyń jaýapkershiligi qaralýy qajet dep esepteimiz. QR Ishki ister ministrligi / Ministerstvo vnýtrennih del RK Erjan Sadenov Qyzylqoǵa Aýdany Politsiia Bólimi Atyraý oblysy Politsiia Departamenti Daria Ýljagalieva Polymbet Hasanov», - dep jazdy qariianyń videosy jariialanǵan pablik ákimshisi.
