Burynǵy aýyl sharýashylyǵy ministri, Qazaqstan et odaǵy basqarmasynyń tóraǵasy Asyljan Mamytbekov senat tóraǵasy Dariǵa Nazarbaevanyń synyna jaýap berdi, dep habarlaidy Sputnik Qazaqstan.
Buǵan deiin Nazarbaeva sandyq jáne paiyzdyq kórsetkishterge qaramastan, sońǵy on jylda aýyl sharýashylyǵy toqyraýǵa ushyraǵanyn málimdegen edi. Aitýynsha, aýyl sharýashylyǵynyń JIÓ-degi úlesi 10 jyl ishinde 5%-ten aspaǵan, al keiingi jyldary turaqty túrde tómendep barady.
Bul rette kezinde aýyl sharýashylyǵy ministrligin basqarǵan Asyljan Mamytbekov únsiz qalmady.
"Sońǵy 10 jylda aýyl sharýashylyǵy salasy toqyraýǵa ushyraǵany aityldy. Bul salada problema joq dep aita almaimyn. Másele kóp, biraq ósim men dinamikany joqqa shyǵarý durys emes", - dep jazdy ol áleýmettik jelidegi paraqshasynda.
Sóziniń dáleli retinde eks-ministr birneshe tsifr keltirdi.
2010-2018 jyldar aralyǵyndaǵy ekonomika salalarynyń ósimi (2019 jyldyń kórsetkishteri áli shyqpaǵan):
-
ónerkásip – 2,25 ese;
-
qurylys – 1,98;
-
kólik – 1,7;
-
aýyl sharýashylyǵy – 2,45;
Onyń aitýynsha, 2010 jyly jalpy ónim kólemi 1,822 trillion teńgeni quraǵan. 2018 jyldyń qorytyndysy boiynsha, bul kórsetkish 4,474 trillion teńgege jetti. Ósim 2,45 ese, bul joǵaryda aitylǵan ekonomikanyń negizgi salalarynyń barlyǵynan kóp.
"Jalpy ishki ónimdegi úlesi týraly men buǵan deiin jazǵan bolatynmyn: aýyl sharýashylyǵy sektorynyń JIÓ-degi úlesi boiynsha Afrikanyń kedei elderi alda keledi. Gvineia-Bisaýda – 62%, Somalide – 65%, Liberiiada –76,9 %. Al jetekshi agrarlyq derjavalarda bul salanyń úlesi 2% shamasynda. AQSh-ta – 1,2 %, Germaniiada – 0,9 %, Niderlandyda –1,7 %. Iaǵni, bizden de az. Sol sebepti JIÓ-degi úles aýyl sharýashylyǵyn damytý úshin umtylatyn kórsetkish emes", - dedi Mamytbekov.
Asyljan Mamytbekov 2011 jyldyń sáýirinen 2016 jyldyń mamyryna deiin aýyl sharýashylyǵy ministri qyzmetin atqardy. Jer máselesine qatysty tolqýlardan keiin otstavkaǵa ketti.
2018 jyldyń basynan beri Qazaqstannyń et odaǵyn basqarady.
