Nur-Sultan soty Qazaqstannyń burynǵy qorǵanys ministri Murat Bektanovty qamaýǵa alý týraly úkim shyǵardy, - dep habarlaidy "Ult aqparat".
"2022 jyldyń 22 aqpanynda Nur-Sultan qalasynyń mamandandyrylǵan aýdanaralyq tergeý soty kúdikti Murat Bektanovqa qatysty eki ai merzimge qamaýǵa alý túrindegi bultartpaý sharasyn sanktsiialady", - delingen sot habarlamasynda.
Sotaldy tergep-tekserýdiń basqa derekteri Qylmystyq is júrgizý kodeksiniń 201-babyna sáikes jariia etýge jatpaityny aityldy.
Buǵan deiin burynǵy qorǵanys ministri Murat Bektanov ýaqytsha ustaý izoliatoryna qamalǵany habarlanǵan bolatyn.
Aita keteiik, Prezident 19 qańtarda Bektanovty synǵa alyp, qyzmetinen bosatqan edi. Toqaevtyń aitýynsha, Murat Bektanov Qazaqstandaǵy tártipsizdikter kezeńinde komandir retinde qabiletin kórsete almaǵan.
